Empire State eraikina
Empire State eraikina (Empire State Building, ingelesez) New York hiriko etxe orratz bat da, Art Déco estilokoa. Bosgarren Hiribideak eta 34. kaleak elkar gurutzatzen duten puntuan kokatuta dago.
Eduki-taula |
[aldatu] Ezaugarriak
Munduko eraikinik garaiena izan zen 1931. urtetik 1972ra arte. Urte hartan, New Yorken eraikitako World Trade Center konplexuko Dorre Bikiek garaieran gainditu zuten. 2001ean World Trade Center-a suntsitu ondoren, berriro ere New Yorkeko eraikin altuena da Empire State Building. 1930etik 1931ra bitartean eraiki zuten; hau da, Depresio Handiaren garaian. 102 solairu dauzka, eta 381 metroko garaiera (443,5 metrokoa, baldin eta goialdean daukan antena ere kontuan hartzen bada). Depresio Handiaren garaian lan-eskuak izan zuen prezio baxua zela medio, soil-soilik 410 egunean eraikia izan zen, 3.400 langilek aldi berean lanean jardun ondoren. Zimenduetarako zulaketa-lanei 1930eko urtarrilaren 22an ekin zitzaien, eta martxoaren 17an hasi ziren eraikuntza-lanak: aste bakoitzeko 4,5 solairu altxatzen zituzten. 1931ko maiatzaren 1ean inauguratu zuten.
[aldatu] Argazkiak
-
Goiko aldea.
-
Alboz ikusia.
[aldatu] Ikus, gainera
[aldatu] Kanpo loturak
- (Ingelesez) Eraikinaren webgune ofiziala.
| Aurrekoa Chrysler Building |
Ameriketako Estatu Batuetako eraikinik garaiena 1931 - 1972 |
Ondorengoa World Trade Center |
| Aurrekoa Chrysler Building |
Munduko eraikinik garaiena 1931 - 1972 |
Ondorengoa World Trade Center |
Koordenatuak: 40°44′54″N 73°59′11″W / 40.7483°N 73.9863°W
