Enki Bilal

Enki Bilalen erretratua

Enki Bilal marrazkilari frantsesa da, jatorriz jugoslaviarra (Belgrad, 1951). Hamar urte zituela iritsi zen Frantziara. 1972an debutatu zuen Pilote aldizkariko komikian. Han Pierre Christin gidoigilea ezagutu zuen. Elkarrekin hainbat kontakizun sortu zituzten, politika-fikziozkoak, besteak beste: Les Phalanges de l´ordre noir (1978-1979, Ordena beltzeko Falangeak), Partie de chasse (1981-1983, Ehizaldia). Enki Bilalek berak sortu zituen La Foire aux immortels (Hilezkorren feria) kontakizuneko gidoiak. Lan horretan XXI. mendeko Parisera iristen dira Egiptoko mitologiako jainkoak. Kontakizun horrek bi luzapen izan zituen, La Femme piège (1986, Emakume-iruzurra) eta Froid Équateur (1992, Ekuatore hotza). 1998an Bilalek Le Sommeil du monstre (Munstroaren loa) trilogia hasi zuen, Sarajevoren bonbardaketaren oroitzapena batetik, eta, bestetik, erlijio-integrismoen arteko elkartasunaren irudia hartzen duen totalitarismoa nahasten dituena. Komiki lanez gainera, hainbat liburutako azalak marraztu zituen, eta baita film iragarkiak ere (Alain Resnaisen Mon Oncle d´Amerique, Werner Herzogen Pays où rêvent les fourmis vertes). Filmetarako dekorazioak ere egin zituen: Alain Resnaisen La vie est un roman (Bizitza eleberri bat da), Jean-Jacques Annauden Le nom de la rose (Arrosaren izena). Filmak ere zuzendu zituen: Bunker Palace Hotel (1989, Jean-Louis Trintignant eta Carole Bouquetekin batera), Tykho Moon (1997, Richard Bohringer eta Julie Delpyrekin batera), Immortel: ad vitam (2004).

Obra

Komikiak

• L'Appel des étoiles, 1975.
• Légendes d'aujourd'hui:
  • La Croisière des oubliés, 1975.
  • Le Vaisseau de pierre, 1976.
  • La Ville qui n'existait pas, 1977.
• Fins de siècle:
  • Les Phalanges de l'Ordre noir, 1979.
  • Partie de chasse, 1983.
• Mémoires d'outre-espace, 1978.
• Exterminateur 17, 1979.
• La Trilogie Nikopol:

1. La Foire aux immortels, 1980.
2. La Femme piège, 1986.
3. Froid Équateur, 1992.

• Le Bol maudit, 1982.
• Crux Universalis, 1982.
• Los Angeles - L'Étoile oubliée de Laurie Bloom, 1984.
• L'État des stocks :
  • L'État des stocks, Futuropolis, 1986.
  • Milleneufcentquatrevingtdixneuf, 1999.
  • Nouvel état des stocks, 2006
• Cœurs sanglants et autres faits divers, 1988.
• Mémoires d'autres temps : Histoires courtes 1971-1981, 1996.
• Bleu Sang, 1994.
• La Tétralogie du Monstre, 2007:

1. Le Sommeil du Monstre, 1998.
2. 32 Décembre, 2003.
3. Rendez-vous à Paris, 2006.
4. Quatre ?, 2007.

• Animal’z, 2009.
• Julia & Roem, 2011.

Filmak

• 1989 : Bunker Palace Hôtel
• 1996 : Tykho Moon
• 2004 : Immortel, ad vitam
• 2006 : Cinémonstre
• 2011 : Animal’z