Epitrokoide

Epitrokoidea (marra gorriaz), zirkunferentzia gidatzailea (marra urdinaz), zirkunferentzia sortzailea (marra beltzaz). Parametroak: a = 3, b = 1 eta h = 1/2.

Geometrian, epitrokoidea kurba bat da, zirkunferentzia finko (gidatzailea) baten inguruan ukitze eran biratzean beste zirkunferentzia (sortzailea) bati lotutako puntu batek sortzen duena. Epitrokoidea erruleta mota bat da.

Ekuazioak

Epitrokoidearen ekuazio parametrikoak hauek dira:

$x=(a+b)\cos \theta -h\cos \left({a+b \over b}\theta \right)$

$y=(a+b)\sin \theta -h\sin \left({a+b \over b}\theta \right)$

non a zirkunferentzia gidatzailearen erradioa, b zirkunferentzia sortzailearen erradioa, eta h puntuaren eta zirkunferentzia sortzaileko zentroaren arteko distantzia diren.

Epitrokoidea kurba mota orokorra da eta kasu berezi batzuk hauek dira:

• Epizikloidea (h = b denean, hau da, kurba sortzen duen puntua zirkunferentzia sortzailekoa denean)
• Pascalen barakuilua (a = b denean, hau da, bi zirkunferentziak erradio berekoak direnean).

Ikus, gainera

• Hipotrokoidea
• Trokoidea

Kanpo estekak

• Epitrokoideak, cfnavarra-n
• (Ingelesez) Weisstein, Eric W.: "Epitrochoid" MathWorld-en.

• Datuak: Q1088210
• Multimedia: Epitrochoid / Q1088210