Erdialdeko Mendigunea (Frantzia)

Artikulu hau Frantziako mendiguneari buruzkoa da; beste esanahietarako, ikus Erdialdeko Mendigunea (argipena).

Frantzia, NASA Shuttle Topography Radar Missionetik ikusia. Erdialdeko Mendigunea masa marroi handi bat bezala ikusten da herrialdeko erdialde-hegoaldean. Italiarekin mugan, hegoekialdean, Alpeak daude, eta Espainiarekin mugan, hegomendebaldean, Pirinioak.

Erdialdeko Mendigunea edo Massif Central (okzitanieraz: Massís Central edo Massis Centrau; frantsesez: Massif Central) Frantziako toki garai bat da, herrialdeko erdialde-hegoaldean dagoena eta batez ere mendiz eta goi ordokiz osatua dagoena.

Erdialdeko mendi hauek Rodano ibaiak eratutako pitzadura baten ondorioz daude banatuak Alpeetatik, frantsesez sillon rhodanien bezala ezagutzen dena (literalki, Rodanoren ildoa).

Administrazioa

Erdialdeko Mendigunea honako frantziar departamenduetan barrena hedatzen da: Allier, Ardeche, Aveyron, Cantal, Correze, Creuse, Loira Garaia, Vienne Garaia, Loira, Lot, Lozere eta Puy-de-Dome.

Honako eskualde hauek, oso osorik daude Erdialdeko Mendigunearen barnean: Auvernia eta Limousin. Oso osorik ez daudenak, baina zatiren bat mendikate honetan dutenak, beste honako hauek dira: Languedoc-Roussillon, Erdialdeko Pirinioak eta Rodano-Alpeak.

Monts Dore

Mendikate honetan aurkitzen diren hiririk garrantzitsuenak Clermont-Ferrand eta Saint-Étienne dira.

Mendi garrantzitsuak

• Puy de Sancy (1886 metro)
• Plomb du Cantal (1855 metro)
• Puy Mary (1787 metro)
• Mont Lozère (1702 metro) sumendiak ez diren mendietatik, garaiena.
• Mont Aigoual (1567 metro), Le Viganetik gertu
• Puy de Dôme sumendia (1464 metro)

Puy de Dôme

Goi-ordoki garrantzitsuak

• Larzac
• Plateau de Millevaches

Kanpo loturak

• (Gaztelaniaz) Auvernia Erdialdeko Mendiguneko iturriak