Erik the Viking
Erik the Viking (euskaraz Erik Bikingoa) 1989ko Terry Jones ingeles zinema zuzendari eta aktorearen komedia filma bat da. Tim Robbins, Terry Jones, John Cleese, Gary Cady, Eartha Kitt, Mickey Rooney, Imogen Stubbs, Samantha Bond, Antony Sher, John Gordon Sinclair, Tim McInnerny, Charles McKeown eta Freddie Jones aktoreek antzeztu zuten.
Monty Python britainiar umorista-taldearen filma bat da.
Argumentua
Erik (Tim Robbins) bikingo gerlaria indarkeria eta beldurra nagusi diren mundu batean bizi da, Ragnarök aroa, eta bere herritarrekin batera bizi ahal izateko, nahiz denbora-pasa gisa, arpilaketan jardun ohi du. Erasoaldietako batean, hil berri duen neskataz maiteminduko da, eta hilketak eta bortxaketak nagusi diren mundu batean gauzetaz gogoeta egiten hasiko da.
Tribuko Freyja (Eartha Kitt) sorginaren aholkuz, Erikek herriko gerlari onenak elkartu eta eskandinaviar jainkoen hiria den Asgardera joateko itsasoratu daitezen konbentzituko ditu, bertan, Fenrir otsoa zerutik kanporatu eta Lurrari bizitza itzularaziz, baina euren ibilbidean barna helmugara iritsi arte arrisku eta oztopo ugari topatuko dituzte.
Aktoreak
- Tim Robbins: Erik
- Mickey Rooney: Eriken aitona
- Eartha Kitt: Freyja
- Terry Jones: Arnulf erregea
- Imogen Stubbs: Aud printzesa
- John Cleese: Halfdan Beltza
- Antony Sher: Loki
- Gary Cady: Keitel errementaria
- Charles McKeown: Svenen aita
- Tim McInnerny: Sven Berserkerra
- John Gordon Sinclair: Ivar Hezurgabea
- Richard Ridings: Thorfinn Garezur-puskatzailea
- Freddie Jones: Harald misiolaria
- Tsutomu Sekine: esklabo nagusia
- Samantha Bond: Helga
- Jim Broadbent: Ernest bikingoa
- Jim Carter: Jennifer bikingoa
- Neil Innes: Hy-Brasildarra
Kanpo loturak
- Erik the Viking filmaren IMDBko fitxa irakurgai (Ingelesez)