Ernst Moritz Arndt
Ernst Moritz Arndt (Schoritz, Rügen uhartea, 1769ko abenduaren 26a - Bonn, 1860ko urtarrilaren 29a) alemaniar poeta eta idazle politikoa izan zen. Frantsesen inbasioaren aurrean (1806) ihes egin zuen, lehen Suedian eta gero Ingalaterran babestu zelarik. 1812an Prusiara itzuli zen herrialdea askatzeko gerran esku hartuz, Napoleonen aurka. Bere idazki politiko eta gerra-kantuen bidez (Lieder für Deutschen) herrikideen sentimendu abertzalea piztu zuen. Bonngo unibertsitateko historia-irakaslea izendatu zuten (1818), baina bere ideia liberalengatik erasoak jasan zituen, eta kargua utzi zuen; 1840an berreskuratu zuen, eta 1848an erretiratu zen.
Erreferentziak
 |
Wikimedia Commonsen badira fitxategi gehiago, gai hau dutenak: Ernst Moritz Arndt  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.