Errefrakzio

Argiaren errefrakzioa hainbat ontzietan.

Errefrakzioa.

Errefrakzioa uhin bat bi ingurune banatzen dituen gainazalera iristean, bigarren gainazalera sartzen da uhin-higiduraren energiaren zati bat eramanez eta hedapen-norabidea aldatuz. Errefrakzioa uhinaren abiaduraren aldaketaren ondorioz sortzen da eta gertatu dadin, bi inguruneek errefrakzio-indize ezberdina izan behar dute.

Errefrakzioaren legea

Errefrakzioaren legea

Errefrakzioaren legea edo Snell-en legeak honakoa dio:

1. Izpi errefraktatua, normala eta izpi erasotzailea plano berean daude.
2. Eraso-angeluaren sinuaren eta errefrakzio-angeluaren sinuaren arteko erlazioa konstantea da, eta uhin-higidurak bi inguruneetan dituen hedapen-abiaduraren arteko erlazioaren berdina. Kantitate konstante horri (n₁₂) bigarren ingurunean lehenengoarekiko duen errefrakzio-indize erlatiboa deritzo.

${\frac {sin\theta _{1}}{sin\theta _{2}}}={\frac {v_{1}}{v_{2}}}=n_{12}$

Errefrakzioaren legea Willebrord Snel van Royen "Snell" fisikari herbeheretarrak ondorioztatu zuen eta aurreko guztia kontuan izanik, legearen adierazpide aljebraikoa honela enuntzia dezakegu:

Prisma batek sakabanatutako argi izpi jarrai baten animazio eskematikoa. Izpi zuriak ikusgai diren uhin-luzera ugari adierazten du, horietatik 7 erakusten dira. Hutsean abiadura berdinarekin bidaiatzen baitute. Prismak argia moteldu egiten du eta horrek bere bidea makurtzen du errefrakzio prozesuaren bidez. Eragin hori indartsuagoa da uhin-luzera laburragoetan (mutur bioleta) uhin-luzera luzeagoetan (mutur gorria) baino, eta horrela osagaiak sakabanatzen dira. Prismatik irten ahala, osagai bakoitza jatorrizko abiadura berdinera itzultzen da eta berriro errefraktatzen da.

$n_{1}sin\theta _{1}=n_{2}sin\theta _{2}\,$

non

• $n_{1}$: Lehenengo ingurunearen errefrakzio-indizea

• $n_{2}$: Bigarren ingurunearen errefrakzio-indizea

• $\theta _{1}$ (edo ${\hat {e}})$: Eraso-angelua

• $\theta _{2}$ (edo ${\hat {r}})$: Errefrakzio-angelua

• $n$ (orokorrean): $n={\frac {c}{v}}$.

Kasu berezi bat dago non errefrakzio-angelua 90º den eta normalarekiko perpendikularra irteten da izpi errefraktatua banaketa-gainazaletik justu-justu. Azken hau gertatzean eraso-angeluari ($\theta _{1}$) muga-angelua deitzen zaio, eta balio hori gaindituz errefrakzioaren ordez, islapena gertatuko litzateke. Fenomeno honi islapen osoa ere deitzen zaio.

Ikus, gainera

• Optika

Kanpo estekak

• Animazioa (Ingelesez)

• Datuak: Q72277
• Multimedia: Refraction / Q72277