Errenina-angiotentsina-aldosterona sistema

Wikipedia(e)tik
Hona jo: nabigazioa, Bilatu

Errenina-angiotentsina sistema edo errenina-angiotentsina-aldosterona sistema presio arteriala eta gorputzeko likidoen oreka erregulatzeaz arduratzen den sistema hormonala da.

Errenina-angiotentsina-aldosterona sistemaren eskema

Odol bolumena baxua denean edo odol presioa txikia, giltzurrunetik odolera errenina askatzen da. Entzima honek angiotentsinaren ekoizpena bultzatzen du, angiotentsinogenoa puskatuz eta angiotentsina I askatuz. Hau beste entzima baten bidez, angiotentsinaren entzima bihurtzailea (AEB), angiotentsina II bihurtuko da, odol hodien uzkurpena eragin eta presio arterialaren igoera eragiten duena. Angiotentsina II-ak gainera, aldosteronaren askapena bultzatuko du, giltzurrunetan ur eta sodioaren birxurgapena bultzatzen duen hormona. Beraz, sistema honen bitartez gorputzeko likido bolumena eta presio arteriala igotzen dira.

Sistema honen aktibitatea gehiegizkoa bada, presio arteriala altuegia izango da eta hipertentsioa agertuko da. Hipertentsioaren tratamenduan erabiltzen diren farmakoek sistema honen urrats desberdinetan parte hartzen dute.

Farmako hauen artean aurkitzen dira angiotentsinaren entzima bihurtzailearen inhibitzaileak (AEBIak), angiotentsina II-ren hartzaileen inhibitzaileak eta erreninaren inhibitzaile zuzenak.