Errepublika federal

Errepublika Federala delakoa Federazioa eta era berean Errepublika bat da. Errepublika batean agintariak demokratikoki aukeratuak egon behar dute, eta euren karguak ez daude oinordekotza bidez edo norbaiten aukeraketaren bidez eskuratuak. Zentzun honetan, monarkia konstituzionalak edo monarkia parlamentarioak ez dira berez errepublikak, estatu buruzagiak bere kargua oinordekotza bidez eskuratu baitu, aldiz errepublika batean estatu buruak bere kargua demokratikoki eskuratua izan behar du. Errepublikak errepublika parlamentario edo errepublika presidentzialista gisa antolatuak egon daitezke.

Federazio bat eskualde autonomoen izenaz (ohikoena "estatuak" izatea da) edo gobernu zentral federal batez osatua egon ohi da. Federazio batean eskualde autonomoen autogobernua (eskualde hartako hiritarrek demokratikoki hautatua) berezko konstituzio batez berretsia dago eta ezin liteke gobernu zentralaren aldebakarreko erabaki baten ondorioz baliogabetua izan.

Hiru estatuk euren buruak errepublika federal gisa izendatu ohi dituzte: Alemaniako Errepublika Federala, Nigeriako Errepublika Federala eta Etiopiako Errepublika Federal Demokratikoa. Izen honen beste aldaera bat "Errepublika Federatiboa" Brasilen izenan agertzen da. Azkenik, Mexiko eta Ameriketako Estatu Batuek euren buruak "estatuen batasuna" gisa definitzen dituzte. Federazio guztiak ez dira errepublikak: adibidez, Kanada eta Australiak eskualde autonomoetan banatutako monarkia konstituzional federal bat dute.

Errepublika Federalen zerrenda

Gaur egungoak

Federazioa	Mota	Azpibanaketa	Estatuburua
Alemania	Errepublika Federala	Estatuak	Presidente Federala
Argentina	Errepublika	Probintziak	Presidentea
Bosnia eta Herzegovina		Errepublika eta federazioa	Presidentzia (3 kide)
Brasil	Errepublika Federatiboa	Estatuak	Presidentea
Komoreak	Batasuna	Uharte erdi-independienteak	Presidentea
Ameriketako Estatu Batuak	Estatu Batasunak	Estatuak, lurraldeak eta dependentziak	Presidentea
Etiopia	errepublika Demokratiko Federala	Eskualde eta hiriak	Presidentea
India	Errepublika	Estatuak eta lurraldeak	Presidentea
Mexiko	Estatu Batuak	Estatuak	Presidentea
Mikronesia	Estatu Federatuak	Estatuak	Presidentea
Nigeria	Errepublika Federala	Estatuak	Presidentea
Errusia	Federazioa	Subjektuak	Presidentea
Suitza	Konfederazioa	Kantonamenduak	Suitzako Kontseilu Federala
Venezuela	Bolivariar Errepublika	Estatuak	Presidentea

Historikoak

• Sobietar Errepublika Sozialisten Batasuna (izenaz, federazioa)
• Erdialdeko Amerikako Probintzia Batuak
• Jugoslavia
• Txekoslovakia
• Polinesiar Komunitatea
• Serbia eta Montenegro

Fikziozkoak

• Errepublika Galaktikoa (Star Wars)
• Errepublika Berria (Star Wars)
• Planeten Federazio Batasuna (Star Trek)

Ikus gainera

• Errepublika
• Federazioa