Eslaviar

Wikipedia(e)tik
Eslaviar herriak» orritik birbideratua)
Hona jo: nabigazioa, Bilatu
Eslaviarren ohiko sailkapena:

   Mendebaldeko eslaviarrak

   Ekialdeko eslaviarrak

   Hegoaldeko eslaviarrak

Eslaviarrak Europako erdialdean eta ekialdean bizi ziren gizabanako eta etnia batzuk dira. II. mendetik aurrera zabaldu ziren lurralde horretara, eta eslaviar hizkuntzak hitz egiten dituzte.

Eslaviar herriak VI. mendetik aurrera Erdialdeko Europa, Ekialdeko Europa eta Balkanetan bizitzen jarri ziren. Gerora, Bohemiatik eta Itsaso Adriatikotik Uraletako mendietaraino hedatu ziren: Siberia eta Erdialdeko Asian ere kokatu ziren, XVII. mendetik aurrera, munduko beste hainbat lekutara ere emigratu zutelarik. Europaren lurralde erdia inguru eslaviar talde edo komunitateez populatua dago.

280 milioi eslaviar bizi dira gaur egun mundu osoan, Europako eta Asiako iparraldean gehienak.

Egungo herrialdeak[aldatu | aldatu iturburu kodea]

Eslaviarrek ez dute nazionalitate bakar bat osatzen eta eslaviar izena hartzen dute egungo errusiarrek, bielorrusiarrek, ukrainarrek, poloniarrek, txekoek, eslovakiarrek, esloveniarrek, kroaziarrek, serbiarrek, bosniarrek eta bulgariarrek.

Iparraldeko eslaviarrak (errusiarrak, bielorrusiarrak eta ukrainarrak, sortaldean; poloniarrak, txekoak eta eslovakiarrak, sartaldean) eta hegoaldeko eslaviarrak edo jugoslabiarrak (esloveniarrak, kroaziarrak, serbiarrak, bosniarrak eta bulgariarrak) bereizten dira, oro har.

Erlijioa[aldatu | aldatu iturburu kodea]

Kristau ortodoxoak dira eslaviar herri gehienak (errusiarrak, bielorrusiarrak, ukrainarrak, bulgariarrak, serbiarrak); Erromako elizari loturiko ortodoxoak dira beste batzuk (ukrainar eta kroaziar batzuk), musulmanak bakarren batzuk (bosniarrak) eta katolikoak gainerako guztiak (poloniarrak, txekoak, eslovakiarrak, esloveniarrak, kroaziarrak).

Ikus gainera[aldatu | aldatu iturburu kodea]

Commonsen badira fitxategi gehiago, gai hau dutenak: Eslaviar Aldatu lotura Wikidatan

Erreferentziak[aldatu | aldatu iturburu kodea]