Espainiako futbol liga txapelketa
Espainiako Futbol Liga Txapelketa (La Liga) Espainiako futboleko txapelketa garrantzitsuena da. 5 mailaz osaturik dago. Mailarik garrantzitsuena, Lehen Maila da. Azken hau, 20 futbol talde profesionalez osaturik dago eta 1929. urteaz geroztik, urtero jokatzen da iraila eta ekainaren artean. Futbol Profesionaleko Ligak (LFP) antolatzen du. Espainiako Ligaren Lehen Mailan, France Football kirol aldizkari frantsesak ematen duen Urrezko Baloia saridun ugari jokatu dute, besteak beste: Alfredo Di Stefano, Raymond Kopa, Luis Suarez, Johan Cruyff, Hristo Stoitchkov, Ronaldo, Zinedine Zidane, Rivaldo, Luis Figo, Michael Owen, Ronaldinho edo Fabio Cannavaro.
Ligako sailkapen nagusiko lehenengo lau taldeek, Europako Txapeldunen Ligarako sailkatzen dira eta bostgarren eta seigarren sailkatuek berriz, UEFAko Koparako sailkapena lortzen dute. Sailkapeneko azken hirurak, Espainiako Futbol Bigarren Mailara jaisten dira. Izarren Liga ez da Espainian jokatzen den Txapelketa bakarra, izan ere, urtero Espainiako Errege Kopa jokatzen da. Bi txapelketa hauen irabazleen artean, abuztuan, Espainiako Superkopa jokatzen da.
Historia [aldatu]
1929tik, 59 futbol talde ezberdinek parte hartu dute ligan, horietatik 9 taldeek soilik lortu dute liga irabaztea:
- Real Madrid, 32 aldiz
- FC Barcelona, 22
- Atletico de Madrid, 9
- Bilboko Athletic Kluba, 8
- Valencia CF, 6
- Erreala, 2
- Real Betis, Sevilla FC eta Deportivo de la Coruña-k behin.
2009/2010 denboraldiko Lehen Mailako futbol taldeak [aldatu]
| Espainiako Futbol Ligako Lehen Maila |  |
|---|---|
| Almería | Athletic Kluba | Atlético Madril | Bartzelona | Deportivo Coruña | Espanyol | Getafe | Málaga | Mallorca | Osasuna | Racing Santander | Real Madril | Sporting Xixón | Tenerife | Sevilla | Valentzia | Valladolid | Vila-real | Xerez | Zaragoza |
Espainiako futbol mailak [aldatu]
Espainiar futboleko txapelketa hurrengo mailatan banatzen da:
- Lehen Maila (Izarren Liga) (20 futbol taldeko maila bat)
- Bigarren Maila (22 futbol taldeko maila bat)
- Bigarren B Maila (20 futbol taldeko 4 maila)
- Hirugarren Maila (20 futbol taldeko 18 maila)
- Erregional Preferentea (37 maila)
