Esterren Liburua

Wikipedia(e)tik
Hona jo: nabigazioa, Bilatu
Esterren liburuaren bilkari bat, Marokon idatzia XIII. edo XIV. mendean. Parisko Quay Branly Museoa

Esterren liburua Bibliako Itun Zaharreko liburuetako bat da. Liburuaren jatorrizko bertsioa, hebreeraz idatzia, liburu kanonikotzat jotzen da. Bera da juduek onartzen duten bertsio bakarra. Gerora grekoz egindako eransketak deuterokanonikotzat jotzen dituzte katolikoek eta ortodoxoek; protestanteek, berriz, testu apokrifotzat jotzen dituzte.

Liburuak Ester izeneko neska judu baten historia kontatzen du. Persiako erregina izatera iritsi zen, eta juduak hiltzeko plan bat desegin zuen.


Estiloa eta egilea[aldatu | aldatu iturburu kodea]

Esterren liburuak hizkuntza lehor eta zuzena erabiltzen du, batere metaforazalea ez dena, eta nazionalismo zakarra erakusten du. Bibliako beste liburu batzuetan ez bezala, ez du lanik hartzen iturriak aipatzen.

Garai horretako beste liburu batzuetan gertatzen den bezala, liburuaren egilea ezezaguna da, tradizioak Esdras profetari egotzi izan badio ere. Estilo modernoa erabiltzen du, eta oso ongi dokumentatuta dago; garbi dago eruditu bat zela. Ez du akats historikorik egiten.

Edukia[aldatu | aldatu iturburu kodea]

Hau da liburuaren egitura eta azpiatalak:

ESTER, PERSIAKO ERREGINA BILAKATU (1,1–2,23) (1,1-2,23)[aldatu | aldatu iturburu kodea]

  • Baxti erreginak Asuero iraindu (1,1-22)
  • Ester, erregina izendatu (2,1-18)
  • Mardokeok azpikeria salatu (2,19-23)

HAMANEK JUDUAK SUNTSIARAZI NAHI (3,1-15) (3,1-15)[aldatu | aldatu iturburu kodea]

ESTERREK JUDUEN SALBAMENDUA ERDIETSI (4,1–6,14) (4,1-6,14)[aldatu | aldatu iturburu kodea]

  • Mardokeo Esterri laguntza eske (4,1-17)
  • Esterrek otordura deitu erregea eta Haman (5,1-8)
  • Hamanek Mardokeo suntsiarazi nahi (5,9-14)
  • Haman Mardokeo ohoratzera behartua (6,1-14)

JUDUEN GARAIPENA (7,1–10,3) (7,1-10,3)[aldatu | aldatu iturburu kodea]

  • Hamanen azkena (7,1-10)
  • Erregearen agindua juduen alde (8,1-17)
  • Juduek beren etsaiak suntsitu (9,1-19)
  • Purim Jaiaren sorrera (9,20-32)
  • Mardokeoren ospea (10,1-3)

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Esterren Liburua Aldatu lotura Wikidatan