Estratonize
Estratonize (grezieraz Στρατoνικη) Siriakoa (?-K. a. 254), seleuzidar erregina bat izan zen.
Demetrio Poliorzetesen eta Filaren, Antipatroren alabaren alaba zen. K. a. 300ean, 17 urte baino gehiago ezin izan zitzakeen garai batean, bere aitak, Seleuko I.a Nikator siriako erregearekin ezkondu zuen, eta bere aita Demetriok Rhosusera eraman zuen, Pierestar kostaldean, Mazedonian, non, zeremonia, handitasun gorenarekin ospatu zen. Adin diferentzia handia zen arren, dirudienez, harmonian bizi izan zen errege zaharrarekin urte batzuz, eta jada eman zion ondorengo bat, Fila izeneko alaba, bere edertasun paregabearen ondorioz, bere semeorde Antioko I.a Soter berataz maitemindu zela deskubritu zenean. Eta Seleukok, bere semearen bizitza salbatzeko, bere pasioaren bizitasunagatik mehatxatua zegoena, dibortziatzea onartu zuen, ezkontza berria onartzeko K. a. 294an, eta, aldi berean, ekialdeko probintzietako gobernari izendatu zuen. Dirudienez, ezkontza oparoa izan zen, baina, ondoren, gutxi aipatzen da. Antiokorekin bost seme-alaba izan zituen: Laodize, Antioko II.a Theos, bere aitaren oinordekoa izango zena errege bezala (Seleuko matxinada baten ondorioz exekutatua izan zen); Apama, Magasekin, Zireneko erregea zenarekin ezkondua eta Estratonize Mazedoniakoa. Antiokok, Kariako Stratonikeia hiriari bere izena eman zion.
