Etxebarri

Wikipedia(e)tik
Hona jo: nabigazioa, Bilatu

Etxebarri

 Bizkaia
Doneztebeko eliza
Doneztebeko eliza
Etxebarriko bandera

Etxebarriko armarria

Izen ofiziala Etxebarri
Estatua
Erkidegoa
Herrialdea
Eskualdea
Espainia
Euskal Autonomia Erkidegoa
Bizkaia
Bilbo Handia
Alkatea Loren Oliva (LVP)
Herritarra etxebarritar
Koordenatuak 43°14′50″N 2°53′30″W / 43.24722°N 2.89167°W / 43.24722; -2.89167Koordenatuak: 43°14′50″N 2°53′30″W / 43.24722°N 2.89167°W / 43.24722; -2.89167

Bizkaia municipalities Etxebarri.PNG

Eremua 3,38 km2
Garaiera 30 m
Distantzia 1,5 km Bilbora
Posta kodea 48450
Biztanleria 10,534 bizt. (2013)
Dentsitatea 3,12 bizt./km²
http://www.etxebarri.net

Etxebarri Bizkaiko udalerria da. Bilbo Handia eskualdean dago. Herriak guztira 10.337 biztanle ditu (2012ko datuen arabera, eta azken urteetan, gune metropolitarrean hazkunderik handieneko udalerria da. Berezko izen historikoa Etxebarriko Doneztebe Elizatea bazuen ere, 1994. urteaz geroztik Etxebarri du izen ofiziala.

Etxebarriko autobus geltokia

Inguru naturala eta klima[aldatu | aldatu iturburu kodea]

Etxebarrik Bilborekin egiten du muga mendebaldean, Galdakaorekin ekialdean, Txorierrirekin iparraldean, eta Basauri udalerriarekin hegoaldean. Bilbotik oso gertu kokaturik dago, 1,5 kilometrora zehazki. Etxebarritik Bilboko Txurdinaga eta Otxarkoaga auzoak ageri dira. Ibaizabal ibaiaren meandro batean kokatzen da Etxebarri.

Hiru alde, gutxienez, bereiz daitezke herrian: batetik, Ibaizabal ibaiaren meandroan kokatzen den gunea. Tradizionalki gune horretan industria nagusi izan den arren, Etxebarriko zabalgune berria bertan eraikitzen ari da. Horrez gain, 2004tik Bilboko metroaren geltoki berria egin dute han. Bestetik, San Antonio (Kukullaga) auzunea dugu, udalerriaren iparraldean, N-634 errepidearen iparraldean dagoena. Eta hirugarrenik, Lezama-Legizamon industrialdea dagoen meandroa.

Auzoak[aldatu | aldatu iturburu kodea]

Etxebarriko auzo nagusiak honakoak dira: Ametzola, Doneztebe, Kukullaga, Legizamon, San Antonio eta Santa Marina.

Demografia eta biztanleria[aldatu | aldatu iturburu kodea]

Etxebarrik 7.300 ditu gaur egun, historian izandako biztanleriarik handiena.Izan ere,XX. mende osoan zehar hazi da herria,XX. mendearen hasieran 637 biztanleko herrixka bat baino ez zela. Are gehiago,Bizkaian 1970eko hamarkadako krisialdiaren ondorioz hasitako beheraldi demografikoa, ez da Etxebarrin ia nabaritu.Aitzitik,herriak hazten jarraitu du 1980ko hamarkadatik aurrera ere.

Politika[aldatu | aldatu iturburu kodea]

2011ko maiatzaren 22ko hauteskundeen emaitzen ondorioz, LVP alderdiko Loren Oliva hautatu zuten alkate. LVP (La Voz del Pueblo) alderdiak 1991tik agintzen du herrian. 1987an PSE-EE alderdiak irabazi zituen hauteskundeak.[1]

Etxebarriko udalbatza

Izena Zinegotziak Boto kopurua[2]
La Voz del Pueblo (LVP)
10
3.212 (%64,24)
Bildu
1
594 (%11,88)
Euzko Alderdi Jeltzalea (EAJ)
1
464 (%9,28)
Euskadiko Alderdi Sozialista (PSE-EE(PSOE))
1
431 (%8,62)
Alderdi Popularra (PP)
-
173 (%3,46)
Ezker Batua - Berdeak (EB-B)
-
126 (%2,52)

Ekonomia[aldatu | aldatu iturburu kodea]

Etxebarrirako metroa.

XX. menderarte nekazaritza izan zen udalerriko jarduera ekonomiko nagusia. 1900etik aurrerako industrializazio prozesuaren ondoren, hainbat industria eta lantegi berri zabaldu ziren herrian. Ibaizabal ibaiaren ondoan dagoen Arcelor Mittalen lantegia edota Lezama Legizamon industrialdea. Horrez gain, jadanik ateak itxi duten beste hainbat lantegi. Izan ere, Etxebarriren hazkunde demografikoarekin batera, etxebizitza ugari eraiki dira antzinako industriak zeuden orubeetan.

Gaur egun, zerbitzuek dute industria baino garrantzi handiagoa, enpleguaren %53,7 haiei baitagokie. Industriak, berriz, enpleguaren %30,8. Eraikuntza bestalde, azken urteetako etxebizitza eraikuntzari loturik, beste udalerri batzuetan baino garrantzitsuagoa da, enpleguaren %15. Nekazaritza, azkenik, ia desagertu da enpleguaren %0,4 baino ez dela.

Demografia[aldatu | aldatu iturburu kodea]

Etxebarriko biztanleria
1897 1900 1910 1920 1930 1940 1950 1960 1970 1981 1991 2001 2006
466 611 807 1.152 1.237 1.359 1.483 4.160 4.459 6.548 6.458 7.043 7.887

Etxebarritar ezagunak[aldatu | aldatu iturburu kodea]

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Etxebarri Aldatu lotura Wikidatan
Portal.svg
Wikipedian atari bat dago honi buruz:
Euskal Herriko Wikiatlasa