Euskadi plaza (Bilbo)

Euskadi plaza
Bilbo, Abando barrutia, Abandoibarra
Euskadi plaza, ezkerraldean Artklass eraikina, erdian Ferrater etxebizitzak eta eskuinean Iberdrola dorrea.
Herrialdea Probintzia Udalerria	Euskal Herria Bizkaia Bilbo
Bilbo erdigunea Euskadi plaza Euskadi plaza Euskadi plaza
Koordenatuak:	43.2668889°N 2.9380556°W / 43.2668889; -2.9380556

Euskadi plaza Bilboko Abandoibarra auzoan dagoen plaza bat da. Yale Unibertsitateko irakaslea eta paisai-arkitektoa den Diana Balmorik diseinatu eta 2011ko martxoaren 18an hiritarrei ireki zen. Eremuak 6.600 m²-ko azalera du eta itxura bikaineko zuhaitzez inguratua dago (iparraldean haritzak eta hegoaldean ezkiak), erdigunean metro zabalerako pasealekua duelarik.

Eraikuntza lanak 2008an hasi ziren, baina urte haietan Atzerakada Handia hasi zenez Bilboko Udalak jatorriz eraikitzea aurreikusiak zeuden hainbat elementu kentzea erabaki zuen, tartean iturri bat eta barne-lorategia.

Eraikin interesgarriak

Euskadiko plaza hainbat eraikin nabarmenez inguratua dago:

• Iberdrola dorrea: hainbat enpresaren egoitza den bulego-eraikina da, tartean Iberdrolaren egoitza soziala. 165 metroko garaiera du, hori dela eta, gaurko egunez Bilboko eraikin garaiena da.
• Bilboko Arte Eder Museoa: Euskal Herriko margolaritza eta eskulturgintza museo nagusienetakoa da.
• Artklass eraikina: diseinu modernita eztabaidatua duen oinplano berriko etxebizitza eraikina da.
• Etxargi eraikina: César Portelaren etxebizitza blokea.
• Ferrater etxebizitzak: Carlos Ferrateren etxebizitza blokeak.
• Aginaga etxebizitzak: Eugenio Aginagaren etxebizitza blokea.
• Zubiarte merkatalgunea.
• Euskal Herriko Unibertsitateko paraninfoa.
• Deustuko Unibertsitateko liburutegia.
• Guggenheim Bilbao Museoa.

• 
  Iberdrola dorrea
• 
  Bilboko Arte Eder Museoa
• 
  Artklass eraikina
• 
  Etxargi eraikina
• 
  Zubiarte merkatalgunea
• 
  Ferrater etxebizitzak
• 
  Aginaga etxebizitzak
• 
  Euskal Herriko Unibertsitateko paraninfoa
• 
  Deustuko Unibertsitateko liburutegia
• 
  Guggenheim Bilbao Museoa

Garraiobideak

Hiriko autobus lineez gain, Euskadi plazak Bilboko tranbiaren Abandoibarra geltokia eta Guggenheim geltokia bertan ditu. Gainera, tranbia hau izan aurretik, iraganean eremu honek denbora luzez Renferen Bilbao-Parke/Guggenheim geltokia izan zuen, baina Abandoibarra auzoa eraikitzearekin bat kendu egin zuten.

Eusko Jaurlaritza Bilboko Metroaren 4. linea eraikitzeko aukera hausnartzen ari da, linea honek plaza honetan geltoki bat izan dezakeela ere aurreikusi da.

Ikus gainera

• Plaza Barria
• Moyua plaza
• Plaza Biribila
• Jesusen Bihotzaren plaza
• Indautxu plaza
• Miguel Unamuno plaza

Kanpo estekak

Euskarazko Wikipedian bada atari bat, gai hau duena: Bilbo

• Euskadi plaza. Bilbaoturismo.net

• Datuak: Q6079529
• Multimedia: Plaza Euskadi / Q6079529