Euskal Herriko gertakari meteorologikoak

2008ko ekaineko Bizkaiko uholdeak, Nerbioi ibaia Basauri parean.

Klaus ekaitzak eragindako olatuak Euskal Herriko kostaldean.

XX. mende eta XIX. mendeko Euskal Herriko gertakari meteorologikoen zerrenda:

1879ko enbata

Sakontzeko, irakurri: 1879ko enbata

1912ko enbata

Sakontzeko, irakurri: 1912ko enbata

Bizkaiko kostaldean 1912. urteko uztailean egondako galernan, Bermeo, Elantxobe, Lekeitio eta Ondarroako portuetako 141 arrantzale hil ziren.

1941eko zikloia

Sakontzeko, irakurri: 1941eko zikloia

1941eko zikloia edo haizetea, 1941eko otsailaren 15etik otsailaren 16ra Iberiar penintsulan egondako haizete gogorra izendatzeko erabilitako izena da. Haizeteak hainbat hildako eragin zituen, eta Euskal Herrian Zumaiako tren istripuan 31 pertsona hil ziren, haizeak trena ibaira bota eta gero.

1953ko Gipuzkoako uholdeak

Sakontzeko, irakurri: 1953ko Gipuzkoako uholdeak

Gipuzkoa izan zen herrialde kaltetuena. Guztira 27 pertsona hil ziren. Hildako gehienak Zestoan (Gipuzkoa) izan zen "La Guipuzcoana" autobus konpainiaren istripuan hil ziren.

1956ko otsaileko hotzaldi eta elurtea

Sakontzeko, irakurri: 1956ko otsaileko hotzaldi eta elurtea

Hotzaldi hau, datu meteorologikoak daudenetik, tenperaturen ikuspuntutik, elurteegatik eta batez ere bere iraupen luzeagatik Euskal Herriak bizi izan duen gogorrena dela esan daiteke. Elurrak hilabetez estali zuen kostaldea zein barnealdea. Gainera, Tenperatura minimo absolutuen hainbat errekor ezarri ziren, nahiz eta, gaur egun toki gehienetan baxuagoak neurtu diren.

Lubizi batek suntsitutako Bakio eta Bermeo arteko errepidea.

1983ko uholdeak

Sakontzeko, irakurri: 1983ko uholdeak

Euskal Herria astindu zuten uholdeak izan ziren, bereziki Bilbo eta Nerbioi ibarra (Bizkaia) eta Laudio eta Aiarako harana (Araba).

Guztira 34 hildako egon ziren, eta 200.000 milioi pezetako kalte ekonomikoak.

1985eko urtarrileko elurtea

Sakontzeko, irakurri: 1985eko urtarrileko elurtea

1989 eta 1990ko lehorte eta suteak

Sakontzeko, irakurri: 1989 eta 1990eko lehorte eta suteak

1989ko udazkenetik 1990. urtera egondako lehorteek, ur-murrizketak eta kalte handiak eragin zituzten Euskal Herriko nekazaritzan.

1999ko Lothar ekaitza

Sakontzeko, irakurri: Lothar ekaitza

Lothar ekaitza 1999ko abenduaren 25ean Ozeano Atlantikoan sortu eta mendebaldeko Europan kalte material handiak eta 110 hildako eragin zituen behe presio gune indartsua izan zen. 200 Km/h-ko haize-boladak eragin zituen. Euskal Herrian hiru hildako izan ziren.

2003ko bero bolada

Sakontzeko, irakurri: 2003ko Europako bero-bolada

Europa mendebaldean 2003ko uztaila eta abuztuan egondako gertakari meteorologikoa izan zen. Beroak milaka hildako eragin zituen hainbat herritan, bereziki Frantzian, 10.000 hildako inguru izan zirela uste da.

2008ko martxoko enbata

Sakontzeko, irakurri: 2008ko martxoko enbata

2008ko martxoaren 9tik martxoaren 11era egondako galernak, kalte material handiak eragin zituen Bakion, Zarauzko Malekoian, Donostiako Kontxa eta Pasealeku Berrian, eta Bermeoko portuan.

2008ko ekaineko Bizkaiko uholdeak

Sakontzeko, irakurri: 2008ko ekaineko Bizkaiko uholdeak

2008ko maiatzaren 31tik ekainaren 1era Bizkaian egondako uholdeak izan ziren eta kalte material handiak eragin zituzten Getxo, Basauri, eta Berangon batez ere.

2009ko uholdeak Bizkaian: San Vizente errepidea Trapagarango industrialdetan.

2009ko urtarrileko zikloia

Sakontzeko, irakurri: Klaus ekaitza

2009ko urtarrilaren 23an Ozeano Atlantikoan sortu eta Iberiar Penintsula eta Frantzian kalte material handiak eta 26 hildako eragin zituen behe presio gune indartsua izan zen.

2009ko urtarrileko Bizkaiko uholdeak

Sakontzeko, irakurri: 2009ko urtarrileko Bizkaiko uholdeak

2009ko urtarrileko Bizkaiko uholdeak 2009ko urtarrilaren 27ko gau eta goizean, Bizkaia mendebaldean kaosa eragin zuten uholdeak izan ziren.

Hiru orduko epean 60 litro jausi ziren Bizkaia mendebaldeko hainbat tokitan.

2010eko otsaileko Xynthia ekaitza

Sakontzeko, irakurri: Xynthia ekaitza