Euskal Irrati Telebista

Euskal Irrati Telebista
Leloa	Etxean zaude
Mota	Erakunde publikoa
Sektorea	Telebista
Sorrera	1982
Egoitza	Bilbo (Bizkaia)
Presidentea	Maite Iturbe
Merkatuak	Euskadi
Salmentak	Telebista, Irratia, Internet
Web orria	http://www.eitb.com

EiTBren antzinako EITB Iurretako egoitza

Euskal Irrati Telebista (EiTB) Euskal Autonomia Erkidegoko telebista eta irrati publikoaren erakundea da eta 1982an Eusko Jaurlaritzak sortu zuen, euskara normalizatzeko helburuarekin. Eusko Legebiltzarraren agindupean dago.

Izenean euskal dioen arren, emanaldi guztiak ez dira euskaraz, ETB 2, Radio Euskadi eta Radio Vitoria gaztelaniazkoak baitira osorik; eta ETB Sat eta EiTB Irratia kateetan, berriz, euskara eta gaztelania tartekatzen dituzte.

Erakunde hau Euskadiko autonomia erkidegoko erakundea da, baina bere kateek Iparralderako eta Nafarroarako emititzen dute.

Gaur egun enpresa talde bat da, zeina hurrengo hauek osatzen duten:

• EiTB: talde osoaren zerbitzu komunak barnean hartzen du. Bere "bidaltzaile" nagusia Bilbon (Bizkaia) kokaturik dago, Bilboko Erakusketa Azoka ohia zegoen Bami eraikinean. Gainera, saioak ekoizteko zentro bat du EITB Donostiako Miramon auzoan. 1982ko abenduaren 31n hasi zen emititzen Carlos Garaikoetxea lehendakariaren mezu batekin.
• ETB (Euskal Telebista): telebista saioak ekoizten eta seinalea emititzen duen enpresa. Donostiako Miramon auzoan ekoizpen zentro bat dauka, zeinak estudio eta plato batzuk dauzkan, hala nola produkzio-ondoko eta grafismorako gela batzuk. Bilbotik emititzen da (saioak eta albistegiak). Han, bi estudio daude, bat 250 metro karratuko plato batekin eta 150 metro karratuko beste batekin. Berriemaileak ditu Bilbon, Gasteizen, Donostian, Baionan, Iruñean, Bartzelonan, Madrilen, New Yorken, Ekialde Ertainean eta Bruselan. Bilbotik bost telebista kanal emititzen dira:
  • ETB 1 (Betizu barne) (Euskal Telebistako lehen katea da eta euskaraz hutsean emititzen du).
  • ETB 2 (Telebistako bigarren katea da eta gaztelaniaz emititzen du).
  • ETBK Sat (Kirol katea nagusiki EAErako).
  • Canal Vasco (Gaztelaniaz emititzen da eta gehienbat Amerikako euskaldunentzat, satelite bidez).
  • ETB Sat (mundu osorako emititzen ditu ETB1 eta ETB2ren eduki onenak, LTD bidez).
  • ETB 3 (2008. urtean martxan jarri den 3. telebista).
  • ETB 4 (2009-2011 bitartean kate berri bat sortzeko egon zen proiektua).

• Radio Euskadi: Bilbotik eta gaztelaniaz emititzen duen irrati orotarikoa da.
• Euskadi Irratia: Donostiatik eta euskaraz emititzen duen irrati orotarikoa da.
• Euskadi Gaztea (Gaztea): Donostiatik euskaraz emititzen duen gazteentzako irrati-formula musikala.
• EiTB Musika: Musika, kultura eta ekitaldi bereziak ardatz dituen irratia, modu digitalean emititzen duen lehenengoa EiTBn. Euskaraz ematen ditu saioak.
• Radio Vitoria: Gasteizen kokaturikoa, Eusko Jaurlaritzak eskuratu zuen EiTB Taldea sortzeko. Arabako lurralde osorako emititzen du gaztelaniaz.
• eitb.net: Interneteko edukiak zabaltzeko eta webguneak sortzeko eta mantentzeko esleituta dago. 2004. urtean sortu zen. Bere egoitza Zamudioko (Bizkaia) Teknologi Parkean dago. Elkarte honen barruan dago:
  • eitb.com, EiTBren ataria da Interneten. Gaztelaniazko, euskarazko, frantsesezko eta ingelesezko bertsioak dauzka.

EITBren egoitza nagusia den Bami eraikinerako sarrera Bilbon.

Zuzendariak

EiTBren zuzendariak 1982tik hauek izan dira:

• Josu Zubiaur. 1982
• Andoni Arizaga. 1982-1985
• Jose Maria Gorordo. 1985-1987
• Josu Ortuondo. 1987-1991
• Iñaki Zarraoa. 1991-1999
• Andoni Ortuzar. 1999-2008
• Bingen Zupiria. 2008-2009 (jarduneko zuzendaria)
• Alberto Surio. 2009-2013
• Maite Iturbe. 2013tik

Ikus, gainera

• ETB 1
• ETB 2
• Euskal Telebista

Kanpo loturak

• (Euskaraz)(Gaztelaniaz) EITB Nahieran, EITB taldeko hainbat telebista saio eta irratsaio, Interneten entzungai eta ikusgai.
• (Euskaraz)(Gaztelaniaz)(Ingelesez)(Frantsesez) EiTB taldearen webgunea
• (Euskaraz)(Gaztelaniaz)(Ingelesez) EiTBren albiste webgunea
• (Euskaraz)EiTBren inguruko informazioa biltzen duen wikia

• Telebistak:
  • ETB 1
  • ETB 2
  • ETB 3
  • Canal Vasco
  • ETB Sat

• Irratiak:
  • Euskadi Irratia
  • Radio Euskadi
  • Gaztea
  • EiTB Irratia
  • Radio Vitoria