Euskal Telebista
Euskal Telebista (ETB), Euskal Irrati Telebista (EiTB) erakundearen telebista zerbitzua da. Gaur egun, lau kate ditu: ETB 1, ETB 2, ETB 3 eta ETBK Sat. Izenean euskal telebista dioen arren, kate guztiak ez dira euskaraz, ETB 2 gaztelaniazkoa baita osorik, eta ETBK Sat ere bai tarteka.
Atzerrirako ETB Sat (Europa) eta Canal Vasco (Amerika) kateak ditu.
ETB 1 eta ETB 2, Euskal Herriko etxe gehienetan ikus daitezke, baina itzalaldi analogikoaren eraginez Nafarroako zati askotan ez daitezke ikus;[1][2] eta beste biak, beren sateliteko seinalearen bidez mundu osoan ditugu ikusgai.
2009an ETB 4 kanala sortu asmo zuten, kate elebiduna, ETB 1eko eta ETB 2ko saioz hornitua. Hala ere, EiTBren zuzendari berriak, Alberto Suriok, kate berria bertan behera uztea erabaki zuen, diru arazoak zirela eta.
Eduki-taula |
Historia [aldatu]
Euskadiko IX. legealdiak ekarri zituen aldaketak [aldatu]
2009ko hauteskundeen ondoren, PSE-EEk eta PPk Eusko Jaurlaritza eskuratu zuten bien arteko hitzarmen bati esker. Horren ondorioz, aldaketak egiten hasi ziren Euskal Telebistako eta irratietako programazio eta saioetan.
2009ko urriaren 15ean, tentsio uneak bizi izan ziren Euskal Telebistan, egun bat lehenago Gipuzkoan eta Nafarroan ezker abertzaleko kideak atxilotu izanari buruz emandako albisteetan "atxiloketen aurkako iritzi gehiegi" atera omen zirelako telebista horretan. Hori dela eta, albistegietako bi editore eta laguntzaile bat kaleratu zituzten.[3]
Erreferentziak [aldatu]
- ↑ «"Mugarik gabeko telebista" kanpaina: sinadurak biltzeko ordua», Euskaltzaindiaren webgunean.
- ↑ Urtzi Urkizu: «Mugarik Gabeko Telebistak 420.000 sinadura ditu», Berria, 2010-02-20.
- ↑ Humberto Unzueta: «Destituidas dos editoras de ETB por la información relativa a la detenciones», Deia, 2009-10-17.
Ikus, gainera [aldatu]
Kanpo loturak [aldatu]
- (Euskaraz)(Gaztelaniaz) EITB Nahieran, ETBko hainbat telebista saio (eta EITB taldeko hainbat irratsaio), Interneten entzungai eta ikusgai.
| Espainiako autonomia erkidegoetako telebista kateak | ||
|---|---|---|
|
Canal Sur / Canal Sur 2 • Aragón TV • TPA / TPA 2 • IB3 • ETB 1 / ETB 2 / ETB 3 / ETBK Sat • TV Canaria / TV Canaria 2 • CYLTV / CyL8 • CMT / CMT 2 • TV3 / El 33 / Canal Super3 / 3/24 / Esport 3 • Canal Extremadura Televisión • TVG / tvG2 • Telemadrid / LaOtra • 7RM • Canal Nou / Canal Nou Dos / Canal Nou 24 |
||
