Eusko Jaurlaritzako lehendakaria

Lehendakaritza
EUSKO JAURLARITZA
Sorrera	1936ko urriaren 13a
Erakundea	Eusko Jaurlaritza Lehendakaritza
Lehendakaria	2012ko abenduaren 13tik Iñigo Urkullu (EAJ)
Egoitza	Ajuria Enea
Agentziak	Emakunde EHAA
Webgunea	Webgune ofiziala

Eusko Jaurlaritzako lehendakaria Eusko Jaurlaritzaren burua da, hau da, Euskal Autonomia Erkidegoko gobernuburua. Lehendakariaren inguruko erakundeari Lehendakaritza deritzaio.

Egun, Euskadi nahiz Eusko Jaurlaritzako lehendakaria EAJko Iñigo Urkullu da.

Hitza

Sakontzeko, irakurri: Lehendakari

Lehendakari hitza XX. mendearen hasieran sortutako neologismoa da, Euskadi, eusko eta Jaurlaritza bezala. Lehendakari hitza, hasieratik bertatik, edozein erakundetako (publikoa nahiz pribatua), taldetako edo gobernutako burua izendatzeko erabili da. Hartara, Orotariko Euskal Hiztegiko lehenengo adibidea (1911. urtekoa) hauxe da: «Euzko-Antzerti-Bazkunaren Lendakarijari» (Euskal Herriko Antzerki Elkartearen lehendakariari).

Lehendakaritzaren eginkizunak

Sakontzeko, irakurri: Lehendakaritza

Lehendakariak eta sailburuek osaturiko erakundari Lehendakaritza deritzaio, bere eginkizuna Eusko Jaurlaritzaren jarduna koordinatzeaz gain, zeregin hauetaz arduratzen delarik:

• Harreman sozialak eta instituzionalak eta Euskadi atzerrian ordezkatzea.
• Garapenerako lankidetzaren eta genero-berdintasunaren arloko politikak.
• Hedabideei informazioa ematea, teknologia berrien garapena eta multimedia ekoizpena.

Lehendakaritza Sailaren egitura

• Lehendakaritza
  • Lehendakaritzaren Idazkaritza Nagusia
    • Lehendakariaren Kabinete Zuzendaritza
    • Protokolo Zuzendaritza
    • Zerbitzu Zuzendaritza
    • Azterlan eta Lege Araubide Zuzendaritza
    • Toki Administrazioekiko Harremanetarako Zuzendaritza
    • Eusko Jaurlaritzaren Madrilgo Ordezkaritza
  • Koordinazio Idazkaritza Nagusia
    • Koordinazio Zuzendaritza
    • Autonomi Garapenerako Zuzendaritza
    • Jaurlaritzaren Idazkaritzako eta Legebiltzarrarekiko Harremanetarako Zuzendaritza
  • Kanpo Harremanetarako Idazkaritza Nagusia
    • Kanpo Harremanetarako Zuzendaritza
    • Kanpoan diren Euskal Herritarrentzako eta Gizataldeentzako Zuzendaritza
    • Euskadiren Europar Batasuneko Ordezkaritza
    • Euskadiren Kanada, Mexiko eta Estatu Batuetako Ordezkaritza
    • Euskadiren Argentina, Brasil, Paraguai eta Uruguaiko Ordezkaritza
    • Euskadiren Txile eta Peruko Ordezkaritza
    • Euskadiren Kolonbia, Venezuela eta Erdialdeko Amerikako Ordezkaritza
    • Mugaz Gaindiko Lankidetzarako Ordezkaritza
  • Herritarren Partaidetzarako eta Dokumentazioko Idazkaritza Nagusia
    • Herritarren Partaidetzarako Zuzendaritza
  • Komunikaziorako Idazkaritza Nagusia
    • Komunikaziorako Zuzendaritza
    • Gobernu Irekirako eta Interneteko Komunikaziorako Zuzendaritza

Eusko Jaurlaritzako lehendakarien zerrenda

Legegintzaldia	Lehendakaria	Alderdia	Oharrak
Errepublika eta Diktadura garaian
1936-1960	Jose Antonio Agirre Lekube	EAJ	Erbestean 1937-1960
1960-1979	Jesus Maria Leizaola Sanchez	EAJ	Erbestean 1979 arte
Trantsizio demokratikoa
1978-1979	Ramon Rubial Cavia	PSE	Eusko Kontseilu Nagusiko presidentea
1979-1980	Carlos Garaikoetxea	EAJ	Eusko Kontseilu Nagusiko presidentea
Gernikako Estatutua
I. (1980-1984)	Carlos Garaikoetxea Urriza	EAJ
II. (1984-1985)	Carlos Garaikoetxea Urriza	EAJ	Kargua utzi zuen EA sortzerakoan
II. (1985-1986)	José Antonio Ardanza Garro	EAJ	1985ean izendatua
III. (1986-1990)	José Antonio Ardanza Garro	EAJ
IV. (1990-1994)	José Antonio Ardanza Garro	EAJ
V. (1994-1998)	José Antonio Ardanza Garro	EAJ
VI. (1998-2001)	Juan José Ibarretxe Markuartu	EAJ	1999an izendatua
VII. (2001-2005)	Juan José Ibarretxe Markuartu	EAJ
VIII. (2005-2009)	Juan José Ibarretxe Markuartu	EAJ
IX. (2009-2012)	Patxi Lopez Alvarez	PSE-EE
IX. (2012-orain)	Iñigo Urkullu Renteria	EAJ

Jose Antonio Agirre Región Autónoma del País Vasco izan zenaren lehen lehendakaria izan zen, 1937an Gerra Zibila galdu ostean, Francisco Francok autonomia desegin zuen arte.

Franco hil ostean Eusko Jaurlaritzak izan dituen lau lehendakarietatik, hiru EAJ alderdikoak izan dira, eta laugarrena PSE-EEkoa.

• 

  1. Jose Antonio Agirre

• 

  2. Jesus Maria Leizaola

• 

  3. Carlos Garaikoetxea

• 

  4. Jose Antonio Ardanza

• 

  5. Juan Jose Ibarretxe

• 

  6. Patxi Lopez

• 

  7. Iñigo Urkullu

Ikus, gainera

• Nafarroako Gobernuko lehendakaria

Kanpo loturak

• (Gaztelaniaz) (Euskaraz) (Ingelesez) (Frantsesez) (Alemanez) Lehendakariaren webgune ofiziala Eusko Jaurlaritzaren webgunean.
• (Gaztelaniaz) (Euskaraz) Ibarretxe.com webgunea
• (Gaztelaniaz) Patxi Lopezen bloga