Explorer 1

Wikipedia(e)tik
Hona jo: nabigazioa, Bilatu
James Van Allen (erdian) Explorer 1aren irudiarekin

Explorer 1, ofizialki Satellite 1958 Alpha izenarekin ezagutua, estatubatuarrek Lurraren orbitan jarritako lehenengo satelite artifiziala izan zen. 1958ko urtarrilaren 31ko 22:48 EST orduan aireratu zen (1958ko otsailaren 1eko 03:48 GMT) Cañaveral lumuturretik, Juno kohete baten barnean. Satelite hau, sobietar batasunetik 4 hilabete lehenago abiatutako Sputnik misioaren erantzuna zen, lehia espazialari hasiera emanez.

Historia[aldatu | aldatu iturburu kodea]

1957ko urrian jaurtitako Sputnik satelitea mundua aldatu zuen bat-batean, eta arrakastatsu atera zen bigarrenarekin hilabete bat geroago jaurtia, estatubatuarrak atzeratuak geratzen zirela sentitu zuten, bereziki beraien lehen saiakera Vanguard kohetearen porrotaren ondorioz. Estatubatuarren buruan zeuden Werner Von Braun, William Pickering eta James Van Allen zientifikoak honi erantzuna eman zioten; Jupiter C kohetearekin 1958ko urtarrilaren 31n Explorer 1 satelitea jaurtikiz.

Ezaugarriak[aldatu | aldatu iturburu kodea]

Explorer 1 satelitea ez zen batere handia, 203 cm-ko luzera zuen, 15.9 cm-ko diametroa eta 14 kg-ko pisua. Orbitara joan eta lurrera datu zientifikoekin bueltatu zen. 3 hilabeteetan egin zen satelitea.

Explorer 1aren instrumentu zientifiko nagusia izpi kosmikoen detektagailua zen, eta hau atmosferan zegoen erradiazioa neurtzeko zegoen diseinatua. James Van Hallen doktoreak egin zuen esperimentu hau, eta helburua lortu zuen, nahiz eta izpi kosmikoen kopurua esperotakoa baino txikiagoa izan. Sateliteak beste instrumentu zientifikorik ere bazeuzkan, adibidez bere itxura simetrikoari esker gaineko atmosferako dentsitatea determinatzeko erabili zen. Beste instrumentuetako batek mikrometeoritoak bilatu zituen eta mikrofono batek hauen kolpeak grabatu. Mikrometeorito hauetako batek kable bat apurtu zuen, eta konexio elektrikoak grabatu zuen. Bestalde, aireratzean, beste bi kable apurtu ziren, baina satelitea 60 egunez ondo funtzionatu zuen. 11 egunetako denbora tarte batean, 145 kolpeetako erregistroa hartu zuen sateliteak (1958ko otsailaren 1etik 1958ko otsailaren 12ra).

Explorer 1 satelitearen bateriak 1958ko maiatzaren 23an agortu ziren, eta 1970eko martxoan lurrera sartzean atmosferarekin erretako lehen satelitea bihurtu zen.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Explorer 1 Aldatu lotura Wikidatan