Ezkerraldea

Artikulu hau Bizkaiko eskualdeari buruzkoa da; Parisko ingurua gaitzat duena beste hau da: Ezkerraldea (Paris)

Zorrotzako portua

Ezkerraldea Bilboaldeko (Bizkaia) azpieskualdea da. Historikoki, hala ere, Enkarterriko azpieskualdea izan da. Izenak berak dioenez, Ibaizabalen ezkerraldean dago kokatuta.

Bilbo ezkerraldea edo Somorrostro izenak ere hartzen ditu, azken hau forma historikoa delarik.

Euskal Herriko bosgarren (Barakaldo), zortzigarren (Portugalete) eta bederatzigarren (Santurtzi) udalerririk populatuenak inguru honetakoak dira. Eskualdeak gaur egun 230.000 biztanle ditu.

XX. mendean, bere ezaugarri historiko nagusia industriarekin lotutakoa izan da.

Udalerriak

1. Barakaldo: 97.328 biztanle (2008).
2. Portugalete: 48.205 biz.
3. Santurtzi: 47.004 biz.
4. Sestao: 29.638 biz.

Geografikoki ere Zierbenako udalerria sar genezake eskualde honetan baina historiko arrazoiengandik Meatzaldeko eskualdean sartzen ohi da.

Industria

Bizkaiko Labe Garaiek eskualde honetan, bereziki Barakaldon eta Sestaon garatu zuten euren aktibitate nagusia 1902tik 1996 arte.

Musika

Euskal Rock Radikalak eskualde honetan aurkitu zuen habia nagusietakoa 1980 inguruan, Zarama eta Eskorbuto taldeak emanez.

Kirolak

Futbola

• Club Portugalete taldea (1909).
• Sestao Sport Club taldea (1916-1996).
• Barakaldo CF taldea (1917).
• Sestao River Club taldea (1996).

Arrauna

Arraun taldeen kokalekuak itsasadarrean daude. Hauek dira, barrualdetik kostalderako norabidean sailkatuta:

• Kaiku Arraunaren Kirol Elkartea, Bizkaitarra traineruarekin eta Iberia Arraun Elkartea, Hojalatera, (Sestao).
• Portugalete Arraun Elkartea, Jarrilera (Portugalete).
• Itsasoko Ama, Sotera (Santurtzi).
• Zierbena Arraun Elkartea.

Azpiegiturak

Portuak

Bilboko portua Santurtzin kokatuta dago eta Euskal Herriko garrantzitsuena da.

Arrantza kaiei dagokionez, Santurtziko portua, Zierbena eta Portugaletekoak aipatzekoak dira.

Ospitaleak

Osakidetzako ospitalerik nabarmenena Gurutzetakoa da Barakaldon kokatutakoa. Herri honetan ere San Eloy Ospitalea dugu.

Pertsonaia ezagunak

• Ignacio Ellacuria (Portugalete, 1930-1989), Askapenaren teologiaren bultzatzailea.
• Andolin Eguzkitza (Santurtzi, 1953-2004), euskarazko idazlea eta eskualdeko lehenengo euskaltzaina.
• Sonia Gonzalez (Barakaldo, 1977-), euskarazko idazlea.

Ikus, gainera

• Somorrostro Harana
• Enkarterri
• Katalunia Somorrostro, Bartzelona, Katalunia

Ikus, gainera

• Eskuinaldea