Ezkuzta
Ezkuzta Azpeitiako udalerrian dagoen kobazuloa da.
Kokapena
Azpeitiko kanpoaldetik Zestoarantz, Ezkuzta baserriaren atzeko aldean eta izen bereko harrobiaren ondoan dago[1].
Ezaugarriak
Urmael bat da, kontsumorako erabilia, eta kobazulo barruan bertan kanalizatua. Galeria honetatik beste bat sortzen da, jatorrizko egoeran mantentzen dena. Haitzuloaren sarrerak, ekialdera begira, 3 metroko zabalera eta 2,5 metroko altuera du, baina artifizialki handituta dago[1].
Historia
Aztarnategia Azpeitiko Antxieta Taldeko kideek aurkitu zuten 1979an eta kata bat egin zuten. 1983an material gehiago jaso zuten azaletik[1].
2014ko azaroaren 5ean, duela 14.500 urte inguruko hezurrezko bi haga apaindu agertu ziren. Iberiako Penintsulan gisakorik ez zela eta Izturitzekoekin ahaidetuta zeudela zioten adituek[2].