Eztabaida:Bilboaldea

Orriaren edukia ez da onartzen beste hizkuntza batzuetan.
Wikipedia, Entziklopedia askea

Eukaltzaindiako Onomastika Datutegiaren arabera, Bilboaldea litzateke euskal izen arautua (begiratu hemen). Berrian ere -batzuetan behintzat- hala erabiltzen dutela ikusi izan dut. Hala ere, uste dut Bilboaldea ez dela inguru horretan asko erabiltzen, baina arau maila badu... Aldatuko dugu? --Orereta (erantzunak) 02:22, 24 Martxoa 2008 (UTC)

Ni aldatzearen alde nago.--Unai (esaidank) 09:34, 24 Martxoa 2008 (UTC)
Ni ados--Assar; (erantzun hemen) 10:45, 24 Martxoa 2008 (UTC)
Arauak beti arau. Arauak hala baderitzo, aldatu beharko litzateke.--Janfri; bai esan? 10:49, 24 Martxoa 2008 (UTC)

Egina Bilbo Handiaren ordez Bilboaldea jarri dut. --Orereta (erantzunak) 15:58, 25 Martxoa 2008 (UTC)

Noiztik da "Bilboaldea"? Betidanik Bilbo Handia izan da eta eskolan ikasten dute horrela, nik gutxienez. Zer esan du Euskaltzaindiak honi buruz ?

Goiko loturan (edo hemen) zehazten den bezala, Euskaltzaindiaren arabera eskualde horren euskal era arautua Bilboaldea da. --Orereta (erantzunak) 16:00, 4 Maiatza 2008 (UTC)

Arratia-Nerbioikoak[aldatu iturburu kodea]

Galdera bat: Arrankudiaga, Ugao eta Zeberio ez al dira Arratia-Nerbioi eskualdekoak? Zergatik daude Bilboaldean? Ezabatu beharko lirateke, ezta?--Unai (esan) 08:57, 29 Apirila 2010 (UTC)

Ados. Bestetik, Arrankudiaga Hego Uribekoa da, ez Arratia-Nerbioikoa, ezta? (Arrankudiaga Euskal onomastika datutegian). --Orereta (erantzunak) 11:46, 29 Apirila 2010 (UTC)
Euskaltzaindiak hori dio, bai, baina ez du argitzen zein udalerri dauden Arratia-Nerbioi eskualdean. Bi plano hauek ikusten badira, berriz, badirudi Arrankudiaga ez dagoela antzinako Uriben, baizik eta Arratia-Nerbioi eskualdean. Hemen diote Nerbioi-Ibaizabal delako eskualdean dagoela... Hemen, Arratia-Nerbioiri buruz ari dira, eta Arrancudiaga agertzen da... Nik esango nuke Arratia-Nerbioien dagoela. --Unai (esan) 13:02, 29 Apirila 2010 (UTC)
Ziur aski, biak dira zuzenak. Esan nahi dut, Hego Uribe Arratia-Nerbioi eskualdeko azpieskualde bat izan daiteke? Norbaitek ba al daki hori?--Unai (esan) 13:09, 29 Apirila 2010 (UTC)
Bai, ondo legoke hori argitzea... --Orereta (erantzunak) 13:11, 29 Apirila 2010 (UTC)
Bizkaiko eskualdeak horrela antolatzen dira, kirolei dagokienez: http://www.bizkaia.net/kultura/kirolak/pdf/eskola/comar_muni.pdf --Unai (esan) 13:18, 29 Apirila 2010 (UTC)

Ieup! Ea, behintzat, Hego Uribeko udalerri batzuk ez daude Arratia-Nerbioin, (Galdakao esaterako). Beste kasu batzuk zailagoak izan daitezke, Hego Uribekoak izan arren, Nerbioi ibaiaren ibarrean baitaude (Arrigorriaga eta Arrankudiaga adibidez). Inbestigatuko dut pixkat eta esango dizuet.---Janfri; bai esan? 10:31, 1 Maiatza 2010 (UTC)

Beste kontu bat esatearren, Bilboaldea, beste eskualde batzutako udalerriekin osaturiko eskualde metropolitarra da, lehen existitzen ez zena. Hortik, hainbat udalerri, Bilboaldean egoteaz gain, beste eskualde batzutakoak ere izatea (Getxo Uribe kostakoa da, Erandio Txorierrikoa...) eta hortik etorri daiteke Unaik planteaturiko dualtasun hori. Bilbo bera, Hego Uribe ere bada.--Janfri; bai esan? 10:35, 1 Maiatza 2010 (UTC)

Euskaltzaindiaren arabera[aldatu iturburu kodea]

Euskaltzaindiak honakoa dio [1]:
  1. Durangaldea (14 udalerri: Abadiño, Atxondo, Berriz, Durango, Elorrio, Ermua, Garai, Iurreta, Izurtza, Mallabia, Mañaria, Otxandio, Zaldibar eta Zornotza).
  2. Arratia, Orozko, Urduña
    1. Arratia (10 udalerri: Arantzazu, Areatza, Arteaga, Bedia, Dima, Igorre, Lemoa, Ubide, Zeanuri eta Zeberio.)
    2. Orozko eta Urduña (2 udalerri: Orozko eta Urduña).
  3. Lea-Artibai (12 udalerri: Amoroto, Aulesti, Berriatua, Etxebarria, Gizaburuaga, Ispaster, Lekeitio, Markina-Xemein, Mendexa, Munitibar, Ondarroa eta Ziortza-Bolibar).
  4. Busturialdea (19 udalerri: Ajangiz, Arratzu, Bermeo, Busturia, Ea, Elantxobe, Ereño, Errigoiti, Forua, Gautegiz Arteaga, Gernika-Lumo, Ibarrangelu, Kortezubi, Mendata, Mundaka, Murueta, Muxika, Nabarniz eta Sukarrieta).
  5. Mungialdea eta Uribe Kosta
    1. Mungialdea (10 udalerri: Arrieta (Bizkaia), Bakio, Fruiz, Gamiz-Fika, Gatika, Maruri-Jatabe, Laukiz, Meñaka, Morga eta Mungia).
    2. Uribe Kosta (9 udalerri: Barrika, Berango, Getxo, Gorliz, Leioa, Lemoiz, Plentzia, Sopela eta Urduliz).
  6. Txorierri eta Hego Uribe
    1. Txorierri (7 udalerri: Derio, Erandio, Larrabetzu, Lezama, Loiu, Sondika eta Zamudio).
    2. Hego Uribe (9 udalerri: Arakaldo, Arrankudiaga, Arrigorriaga, Basauri, Bilbo, Etxebarri, Galdakao, Ugao eta Zaratamo).
  7. Enkarterri
    1. Ezkerraldea (9 udalerri: Abanto, Barakaldo, Muskiz, Ortuella, Portugalete, Santurtzi, Sestao, Trapagaran eta Zierbena).
    2. Enkarterriko haranak (10 udalerri: Artzentales, Balmaseda, Galdames, Gordexola, Gueñes, Karrantza, Lanestosa, Sopuerta, Turtzioz eta Zalla).
Balekoa da?--Unai (esan) 13:11, 1 Maiatza 2010 (UTC)

Arratia-Nerbioi: Hego Uribe gehi Arratia[aldatu iturburu kodea]

Egun on, bizitza gehiena Basauri eta Aretaren artean pasatu duen honek bere iritzia emango du. Kontzeptu batzuk nahasten dira, bai errealitatean, jendearen pertzeptzioan (Basauriko biztanle askori kostatuko litzaieke "Zein eskualdetan dago zure herria?" galdera erantzutea), bai Euskaltzaindiaren arauetan (zerrendetan aldatu egiten ditu datuak, "Eskualdea", "Ibarra", "Merindade zaharra" hitzekin jolasten du...), bai wpn egun ditugun artikuluetan.

  • Bilboaldea (edo Bilbo Handia, berdin dio) balekoa da "metropoli" moduan. Baina ibaia behera ezker-eskuin, Artxandaz gaindi edota ibaia gora ere bizitza propioa duten lau espazio egon dira eta daude. Tira, hobe LZPei kasu handirik ez egitea, horien arabera ia "dena da Bilbo (super) Handia": Hego Uribe...eta Aiaraldea bera. Aldiz, harrigarria bada ere "Igorre" ("Arratia" beraz) aparte dago. Banaketa honetan ekimen politikoa sano argi igertzen da, Bilboren mesedetan kristoren hinterland osatzea baina baserricortijoren bat edo beste mantentzea... Ez nioke kasu handirik egingo, teknobanaketa delakoan, Bizkai-Araban bederen.
  • Arratia-Nerbioi: hau egon badago baina ez da eskualde bat. Zer da orduan? Batez ere Bizkaiko Foru Batzarretarako hauteskundeetan erabiltzen den banaketa bat, zenbait arlotan Aldundiak erabiltzen duena baina ez halabeharrez (ikusi duzue kirolarena). Wpn txarto dugu udalerri zerrenda; Etxebarri, Basauri, Zaratamo eta Galdakao falta dira. Horrez gain badago elkarte inportante bat (ELA) lurralde eremu hau bere barneko banaketan kontuan hartzen duena, makroeskualde batzuk erabiltzen dituelako baina kontuz, Aiaraldea ere sartzen du. Eta eskualdeez orduan? Bi daude, goazen aztertzera:
    • Arratia: nire bizipenek bat egiten dute wpn dugun artikuluarekin, geografiarekin, harreman sozial eta azoka-dinamikekin eta gaurko Arratiako Mankomunitatearekin. Igorre hiriburu. Beranduago puntualizatuko dut Zeberioko kasua. Zertzelada "Arratia" eremuari:
      • Ubide eta Otxandio geografikoki aparte daude, neuk Arratian mantenduko banitu ere; hainbat mailatan Arabako zenbait herrirekin doaz eta elkarte batzuek "Motxotegi" (mendiagatik) izena eman diote bi hauek Legutiano eta besterekin osatzen duten (azpi)eskualde naturalari. Ubideko umeak adibidez Legutianoko ikastolara doaz...Eta gauza askotarako Gasteizera, batzuk Duranako institutura...
    • Hego Uribe: niretzat ia-ia wpko artikuluan dagoen bezala. Nortasuna? Gehiegi ez eta errealitate batzuk daude, batez ere Basauri soziologikoki ia "ezkerraldianoa" eta herri txikiak, Basauri-Galdakao dema, Ugaotik (Arrigorriagatik ere neurri atean) gora Laudiora jotzeko ohitura...baina edozein kasutan Bilbok erabat ez zurrupatzeko "ibaia gora" dauden udalerriek osatzen duten eremu nahiko logiko eta naturala. Azalduko dudan bezala neuk hemen sartuko nituzke Zeberio eta herrialde ofizialez aritu behar dugunean Orozko eta Urduña ere. Kontzeptu-eremu hau erabiltzen dutenak: euskalgintzako erakundeek (AEK) eta ezker abertzaleko erakundeek (LABek barne) "Hego Uribe" izena erabiltzen dute, EAJk espazio berari "Padura" deitzen dio, guduaren omenez. Nik dakidala ez da “Medio Nervión” erabiltzen baina nahiko zuzena litzateke...Galdakaoren salbuespen inportantearekin, horregatik hobeto “Hego Uribe”; bestela “Alto Nervión” (azken urteetan “Nerbioigoiena” erabiltzen hasia) eta “Bilbotik beherako Nerbioiren” arteko espazioa da. Puntualizazioak "Hego Uribe" eremuari:
      • "Udaltalde 21 Nerbioi-Ibaizabal" delakoak lehen kolpean itxura hori ematen ez badio ere, "Hego Uribe" eremua baieztatzen du: espazio bera da udalerri "munstroak" (Basauri eta Galdakao biztanleriaz handienak desberdintasun handiz) izan ezik, hau da herri txikiagoek osatu duten elkargoa, hau ere nahiko "teknokratikoa".
      • Zeberio HUn sartzearen aldekoa naiz. Baina egia da Arratiarekin ere harreman handia duela; Euskaltzaindiak batez ere irizpide linguistikoari egiten dio kasu ("Zeberíoko" euskara nahiko "Arratíkoa" da) eta adibidez Begitu aldizkarian sartzen da. Baina hainbeste arlotarako, geografia barne, Nerbioira doaz. Ugao zeberiotarrez beteta dago, erosketak ere hor egiten dira eta Basaurin ere ez dira falta zeberiotar familiak. Irakaskuntzan Arrigorriagako institutura doaz, Igorrera doazen batzuk izan ezik.
      • Orozko eta Urduña: historiak ez du laguntzen, inoiz ez baitira Uribe izan baina "Merindade zahar" hau egun ez da funtzionala. Bi maila desberdindu behar dira eta aipatu erakunde eta elkarteak eta beste batzuk hala aritzen dira:
        • Herrialde-banaketa ofiziala tartean dagoenean (hauteskundeak, LTDren banaketa...) Bizkaian ezinbestean egon behar eta orduan logikoena HUrekin lotzea da.
        • Banaketa naturalean (edo eskola-mapan, edo...), bistan da: Aiaraldean sartu behar!

Osagarri gisa, espazio honetan udalerri izan ez baina izan direnak, izan nahi dutenak edo herri-sentimentu sendoa dutenak gogora daitezke: Arratian Usansolo (desanexionatzeko eskaera Aldundiak errefusatua), Hego Uriben Zollo (udalerri izana) eta San Migel. Ondo ibili. --Adrar (esan) 11:17, 3 Maiatza 2010 (UTC)

Bizkaiko eskualdeak Foru Aldundiaren webgunean[aldatu iturburu kodea]

Nire iritzia da Bizkaiko Foru Aldundiak ematen duen banaketa erabili beharko litzatekeela informazio nagusi gisa, hau. Horretaz gain, beste edozein banaketa ere azal daiteke Bizkaiko eskualdeen artikuluetan, bai historikoa, geografikoa edo beste edozein ikuspuntutatik egindakoa, baina beti gutxieneko oinarri bat eduki beharko luke. Adibidez, Zornotza historikoki ez da Durangaldeko merindadekoa izan, Durangaldea artikuluan ikus daitekeen bezala. Euskaltzaindiak egindakoa ere sar daiteke, baina ez zait iruditzen alor honetan aginte gehiegirik eduki dezakeenik Euskaltzaindiak dioena, haiek izendegiaz arduratzen dira soilik, ez udalerri bakoitza zein eskualdetakoa den esateaz.--Assar; (erantzun hemen) 12:30, 3 Maiatza 2010 (UTC)

Lotura ona, Assar!! Ni ados nago horrekin. Bizkaiko Aldundiak segitzen duena, eta horren ondoren, xehetasunak —politikoak, historikoak, geografikoak— kasuz-kasu adierazi, artikuluen barnean.--Unai (esan) 13:48, 3 Maiatza 2010 (UTC)

Ados ez[aldatu iturburu kodea]

Ni, aldiz kontra nago eta ez du ezer konpontzen. Gainera kontuz, "eskualde ESTATISTIKOAK" dira, ez besterik (horrek ulertarazten digu Bilbo Handiari ematen dion zabalera) eta Foru Aldundiak berak beste batzuk, denak honekiko desberdinak, erabiltzen ditu: aipatuta daude kirol arlokoa eta hautesbarrutiena eta ikus hau adibidez. Foru Aldundiak ez du banaketarik hobesten eta proposatutako azken hau batez ere onartezina da ezbaian dagoen "Arratia-Nerbioi" espazioan: ziurtatzen dizuet INOR ERE ez dela identifikatzen banaketa honekin, non Arrigorriaga "Bilbo Handia" den eta Ugao ez, non Ugao Dimarekin lotuta dagoen baina Basaurirekin ez. Impossible and incredible.

Adostasuna eta argitasuna lortzeko bidean, kategorian daukaguna, Euskaltzaindikoa, Foru Diputazioko azken lotura honetakoa eta eguneroko dinamikena uztartzen noa:

  • Zokoratzeko kontzeptuak, kategoria berrosatzekotan:
    • Historikoa (merindadea) kontu bat da; horregatik Zornotza edo Orozko ez ziren egungo eskualdeak izango. Horregatik kategorian "Uribe" ez dago ondo. "Kategoria:Bizkaiko merindadeak" sor daiteke.
    • Metropolia: ezin dugu "Bilboaldea" edo "Bilbo Handia" (batez ere "oso-oso Handia" denean) eskualdetzat jo; horrek "Donostialdearen" irakurketa zabalagoa ekarriko luke (Oarsoaldea etab. sartuta), adibidez. Badakit batzuek "Euskal Hirian" bizi garela diotela baina ejem..."Kategoria:Euskal Herriko metropoli-eremuak" edo honelako zerbaiten barruan egon liteke. Donostia-Baiona ez da eskualdea, eremu metropolitarra baino.
    • Natural hutsa: aurrekoan ahaztu zait aipatzea; niretzat "Nerbioi ibarra" artikulua oso anbiguo, osatugabe eta agian ezabatzeko modukoa da. Apenas ez duen ezer aportatzen eta "Nerbioi" artikuluak eta eskualdeen gaineko eztabaida honek informazio fidagarriagoa emango lukete.
    • Plastikozkoa: Arratia-Nerbioi. Esan bezala desberdina da hautesbarrutia eta Assarrek pasatu duen azken link honetakoa. Inor ez da berarekin identifikatzen. "Kategoria:Bizkaiko hautesbarrutiak" edo sor liteke.

Eskualdeak orduan zein dira? Dirudiena baino argiago dago. Batzuetarako adostasun osoa dago aipatutako proposamen guztien artean (ditugun artikuluak komentatzen ditut):

  • 1: Lea-Artibai. Artikuluko osaera bere horretan.
  • 2: Durangaldea. Aurrekoan despisteagatik aipatu dut Otxandio Arratian baina Durangaldean dago; hori bai, geografikoki eta harreman aldetik Ubide bezala Legutianorekin eta abar. Artikuluan dagoeneko ohartxoak ditugu Otxandio eta Ermuaz.
  • 3: Busturialdea.

Besteak argitze bidean, "Arratia-Nerbioi" edo dena delako eremurako mantentzen dut esandakoa:

Enkarterri alderako, izen honen pean artikuluan nahasten dira merindade historikoa eta egungo errealitatea. Hiru eskualdetan banatu ohi da eta hirurek funtzionatzen dute nahiko ondo:

"Makroeskualdeak" egiten direnean "Ipar Uribe" deitzen den eremuan ere hiru eskualde nahiko argi daude:

  • 9: Txorierri: dugun bezala, Erandio barne; azken hau eztabaida kasu klasikoa izan da baina gehien Txorierrira hurbiltzen da. Adibidez UKBerri "Uribe Kosta eta Erandioko agerkaria" da.
  • 10: Uribe Kosta: dugun bezala. Mankomunitateari buruzko oharra eginda dago. Ikusten duzuenez, Ezkerraldeak funtzionalitatea du gaur egun baina "Ibai-Eskuinaldeak" ordea ez.
  • 11: Mungialdea: dugun bezala. Eztabaida bakarra Plentzia-Gorlizekin gertatzen da, batzuetan Uribe Kostan barik Mungialdearekin "Uribe-Butroe" izenekoan bilduta (edo jadanik aipatutako "Ipar Uriben") baina artikuluan dagoen bezala hoberen erantzuten diogu Mungia eskualdeburuaren inguruan dauden herri txikiagoen multzoari, ezbairik gabe.

Eta finitzeko:

  • 12: Bilbo, udalerri-eskualdea.

--Adrar (esan) 17:15, 3 Maiatza 2010 (UTC)

Assarrek eskaini duen lotura ez da hautes-barrutiena, oker ez banago. Otxandio, esaterako, Durangoko Barruti Judizialekoa da, eta zerrenda horretan "Arratia-Nerbioi" delakoan dago. Zure proposamena zertan oinarritzen da? Zer erakundek proposatzen du hori? Ez dut zalantzan jartzen nik baino askoz gehiago ezagutzen duzula gaia, baina nire ustez zerbaitetan oinarritu behar gara. Iturriak behar ditugu. Ematen duenez, eskualdeak egiterako orduan gutxienez 5 sailkapen-iturri daude:
  • Estatistikoa [2]
  • Barruti Judizialen araberakoa [3]
  • Geografikoa (ibaien ibarren araberakoa; udalerri asko zatituta leudeke) [4]
  • Euskaltzaindiarena [5]
  • LAAen Eremu Funtzionalena [6]
Zuk proposatutako irtenbide bat ez da txarra, alegia, kategoriak sortzea:
Kategoria:Bizkaiko eskualde estatistikoak
Kategoria:Bizkaiko barruti judizialak
Kategoria:Bizkaiko eskualde geografikoak
Kategoria:Bizkaiko eskualdeak Euskaltzaindiaren arabera
Kategoria:Euskal Autonomia Erkidegoko Eremu Funtzionalak (hemen EAE sartzen dut, Otxandio Araban sartzen dutelako, adibidez)
Ezin da hau bideratu Bizkaiko eskualdeak artikulua aurkibide gisa erabiliz? Arabako eskualdeak artikuluan, adibidez, bi eskualde mota ezberdin daude: geografikoa eta administratiboa (Kuadrillena). Berriz galdetzen dizut: zein da zure iturria, Adrar?--Unai (esan) 16:39, 3 Maiatza 2010 (UTC)
Ni ere Unairekin nago. Lan ona eta interesgarria da egin duzuna, Adrar, baina Wikipedian ez dira lan originalak argitaratzen (euskarazko Wikipediara oraindik ez da itzuli, baina ingelesezkoan hemen dago irizpidea eta gaztelaniazkoan hemen). Laburtuz zera dio, Wikipedian sartzen den informazio guztiak kanpo-erreferentzia sendo bat eduki behar duela. Wikipedialariok ezin dugu ezer asmatu, erreferentzietan aurkitzen duguna erabili behar dugu. Noski, edozein erreferentziak ere ez du balio, baina nik uste dut kasu honetan BFA nahiko erreferentzia sendoa dela, nahiz eta hark dioena gustuko ez izan. Arazoa da BFAk berak dirudienez ez omen duela irizpide jakinik. Beno, ba orduan Unaik iradokitzen duena egin daiteke, banaketa denak (edo nagusienak behintzat) azaldu.--Assar; (erantzun hemen) 17:03, 3 Maiatza 2010 (UTC)

Ieup berriro. "Eskualde" (adjektibo barik) entzuten dudanean nik argi daukat zertan ari garen; ezin izan "Eskualde" artikuluan duguna, horrek en "Region", es "Región"...baititu interwiki; ikusten ditugu commonsen hitza itzultzeko dauden arazoak. Es "Comarca" edo niretzat oso argia den bere interwiki ca "Comarca" dut (dugu, espero dut) buruan: una comarca és una extensió de territori reduïda, que té una certa unitat a causa de les condicions naturals, la història o les relacions de veïnatge entre els municipis que la formen.. Bestelako kontzeptuei adjektiboak ipini behar zaizkio, beraz zentzu honetan ados nago, kategoria desberdinak egitea komeni da (baina hanbeste zerrenda ateratzen zaigunez zentzua ere gal lezake; 5 ez, 10 edo ateratzen zaizkit); errepasatzen noa, ikusita herrialde bakoitzean kontzeptu desberdinak ager daitezkeela...eta beti ez daude hain ondo erreferentziatuta:

  • BFAko lotura horrena kontuan hartzen bada "Eskualde estatistikoak" landuko genituzke, ez besterik, "Arratia-Nerbioi" esaterako definitzeko. Adjektiboa: "estatistiko".
  • Barruti judizialekoa hartzen badugu, adjektiboa: "judiziala".
  • "Eskualde geografikoak" (adjektiboa:"geografiko"), sinonimoa ote "naturalak"? Adjektibo hauekin aritzekotan gurabeste sailkapen genuke herrialde guztietarako, Unairen azken zerrendakoa adibide bat besterik ez litzateke; ibai arroak sailkatzeko moduetakoa da, ez bakarra. Nerbioi ibarra eta oker ez banago Lapurdiko eskualdeak kategorian dauden ia guztiak mota horretakoak dira; hau da, Lapurdi ez dugu "eskualdetan" (adjektibo barik) banatua, "eskualde natural-zientifikotan" (horretaz ere ez nago oso seguru) baino, hasteko herrialde hori eskualdetan banatzeko ohitura gutxi egon delako baina Lapurdi pittin bat ezagutzen duenak badaki "Lapurdiko eskualdeen zerrenda" artikuluan ageri den banaketa errealitatean ez dagoela inon. Bide batez, zein dira artikuluaren erreferentziak? Herrialde hau dugu nahastuena eskualde kontuan, zailena dela onartzen badut ere.
  • "Euskal Autonomia Erkidegoko Eremu Funtzionalak" berdin, kontzeptu desberdin bat da. LZPena edo antzeko planeamenduak ere baditugu kontzeptu honetatik hurbil...

Horietaz gain ahaztu gabe:

  • "Eskualde historikoak" beste kontzeptu adjektibodun bat litzateke; hor "Merindadeak" eta beste sartuko lirateke. Arabako kasuan Kuadrilak ofizial, nahiko natural, nahiko historiko eta logiko izateak lana izugarri errazten du baina beste herrialde guztietan saltsa handiagoa dago!
  • "Hautesbarrutiak" beste kontzeptu bat da: batzuetan bat egiten du ofizialekin baina gehienetan ez; hemen kokatu behar dira (ez beste inon, zenbait artikulutan ditugun bezala) "Kantonamenduak". Bizkaiari dagokionez hau da; hain den anabasa Bizkaian ezen mapa oso txarto dagoen, Nerbioi ibarra "Enkarterrian" marraztuta agertzen da baina "Durango-Arratian" dago, besteak beste.
  • "Kategoria:Euskal Herriko gune metropolitarrak" kategoria dugu Bilboaldea bezalakoak toreatzeko eta panorama argitzeko. Noski "Iruñerria" adibidez "eskualde" eta "gune metropolitarra" batera izan daiteke.
  • Enegarren kontzeptua: zaku berean bil genitzake Hegoaldeko Mankomunitateak eta Ipar Euskal Herriko udalerrien elkargoak. Batzuetan kointzidituko dute eskualdeekin, eskualde natural edota historikoekin...beste batzuetan plastikozkoak izango dira.
  • Baina adjektibazioa eta kontzeptu aniztasunaz haratago, bitxia dena da oinarrizkoena adjektibo bako "Eskualde" kontzeptua dela, neure ustez. Posible al da "Eskualde"="ezaugarri natural, historiko eta giza-harremanen konbinazioaren arabera osatutako lurralde mugatu" (wp-ca dixit) definizioaren arabera Bizkaia banatzea? Noski. Eskatzen dizkidazue erreferentzia-iturriak eta ulertu egiten dut baina utzidazue esaten hau ez dela nire burutazio esklusiboa, hau ez da nire scoopa ezta nire lan orijinala ere!! Erreparatu gauza bati: neuk 12 eskualdetako zerrenda aurkezten nuen eta artikulu bat ere ez dut egin, eginda zeuden eskualde horietako artikulu horiek; haien erreferentziak? Ez dago bakarra, anitzak dira, batzuetan iturri lokalak, hedabideak, erakunde sektorialak, azoka-harremanen araberakoak...baina artikulu horiek guztiak baten batek egin ditu, neu honetaz hasi baino lehen. Beren erreferentzien kalitatea balora dezakezue baina hortxe daude. Aurretik saiatu naiz (uste nuen intentzioa ulertzen zela) erakusten eskualdeak ofizialak ez diren herrialde honetan hainbeste elkarte, erakunde, sindikatuk...baliatu egiten dituztela. Honi indarra emateko apropos amaierarako utzi dut Unairen zerrendako "Kategoria:Bizkaiko eskualdeak Euskaltzaindiaren arabera". Oro har Euskaltzaindiaren banaketa-proposamena adjektibo bako "eskualde" kontzeptua lantzeko erreferentziarekin bat egiten du herrialde guztietan, akaso joera historizista txiki batekin noizean behin; neuk azaldutakoarekin apenas dagoen desberdintasunik:
    • "Orozko eta Urduña" kasu bereziak.
    • Bilbo Hego Uriben kokatzen dute (kasu honetan haiei eskatu beharko zaizkie erreferentziak).
    • Zeberio Arratian kokatzen dute; erreferentzia herri hau zehatzago berkokatzeko: Arratiako Mankomunitatea, esan bezala.
    • "Ezkerraldeak" Ezkerraldea eta Meatzaldea hartzen ditu. 62 eta 63 oharrek neuk azaldutako zenbait kontu jorratzen dute.

Beraz, Euskaltzaindiarena Bizkairako "Kategoria:Bizkaiko eskualdeak" (adjektibo barik) egiteko oinarri sendoa da eta erreferentziatuta dago hasiera puntutik; ezinezkoa da (zenbat aldiz diskutitu duten/diskutitzen ari diren katalanak beren eskualdeetako mugak!) perfektutasuna lortzea, zalantza-dantzan egongo diren udalerri batzuk beti geratuko direlako. Baina bestela sendo samarra dugu oinarria. Usurbil, Pagola zein eskualdetan daude? Bertizarana Malerrekan dagoela seguru gaude? Arratzu-Ubarrundiak bi kuadrilaren artean fluktuatu du...Bizkaian buruko minak baldin baditugu kontzeptuak direla eta, zer ez da gertatuko Nafarroarekin? Edo adibidez hemen agertzen dena egia da? Gipuzkoan eskualde administratiboak daude? Zein da erreferentzia? Gero hemen Urola Garaia esaterako Goierritik kanpo dago...Eta ez batak ez besteak ez dute honekin bat egiten, ezta? Mapakoa hurbiltzen da baina ez dira 10 eskualde. Kontzeptu eta erreferentzia anabasa ez da Bizkaian bakarrik konpontzekoa. Badugu lana, lankideak! Gabon.--Adrar (esan) 21:23, 3 Maiatza 2010 (UTC)

Bizkaiko eskualde estatistikoen mapa[aldatu iturburu kodea]

Gai honetan trabatuta ez geratzeko, momentuz Bizkaiko Foru Aldundiaren webgunean onartzen dituzten eskualdeen mapa egin dut. Denbora gehiagorekin beste ikuspuntu batzuetatik sortutako eskualdeen mapak egingo ditut.--Assar; (erantzun hemen) 20:46, 6 Maiatza 2010 (UTC)

Kirolak eta Demografia[aldatu iturburu kodea]

Egungon, nire ustez demografian informazio gehiago jarri beharko zenukete. Kiroletan ez jarri bakarrik Bilbokoak beste hainbat herri daude eskualdean eta. Menika34 (eztabaida) 12:34, 29 otsaila 2024 (CET)[Erantzun]

Historiaren atala[aldatu iturburu kodea]

Kaixo. Historiaren atala garaika banatuko nuke. Erdi aroarekin hasita dago eta ondoren Bilbo Komertziala eta Bilbo Industriala atalak daude. Agian egokiagoa izango litzateke historia garaietan banatu eta Bilbo Komertziala eta Bilbo Industriala ekonomiaren atalera pasatzea. Aditu21 (eztabaida) 14:39, 29 otsaila 2024 (CET)[Erantzun]

Bilboko historia eta Industrializazioa Euskal Herrian artikulu mamitsuak baditugu jada, beraz ez dira gauzak errepikatu behar, baina bertako informazioaz baliatu zaitezkete laburpen on bat egiteko, beste herriak ere sartuta. Theklan (eztabaida) 16:06, 29 otsaila 2024 (CET)[Erantzun]

Kaixo, ados nago nire kideekin. Horretaz aparte, ikusi dut infoatulan dentsitateak errorea ematen dizuela. Emaiozue begirada bat. Beste aldetik, ziur nago Bilboaldeko argazkiak aurkitzea erraza izango dela, horrek historia hobeto ikustarazten lagunduko luke. Uxue06 (eztabaida) 15:50, 29 otsaila 2024 (CET)[Erantzun]