Fabien Barthez
Fabien Barthez (Lavelanet, Ariège, Frantzia, 1971) futbolaria da, atezaina hain zuzen.
[aldatu] Bizitza
Tolosa Okzitaniako formazio-zentroan sartu zen hamabost urte zituela, eta handik bost urtera egin zuen debuta lehenengo dibisioan. 1992an, Olympique Marseillakora eraman zuten. Didier Deschampsen zuzendaritzapean, Europako Txapeldunen Kopa lortu zuten. Taldea bigarren dibisiora jaitsi bazen ere, Fabien Barthezek taldean jarraitu zuen, eta lehenengo mailara igotzen lagundu zion Olympique taldeari, 1995ean AS Monako taldera joan aurretik. AS Monakon bost denboraldiz aritu zen, eta bitan lortu zuen Frantziako Txapelketa, 1997an eta 2000n. Gero, Manchester United ingeles taldearekin egin zuen kontratua, futbolean atezain batek inoiz izenpetu duen kontraturik garestiena, hain zuzen.
Frantziako futbol selekzioarekin 1994an aritu zen lehenengo aldiz. Maila handia badu ere, Bernard Lama atezaina izan da Frantziako taldean nagusi 1998ko Kopa arte. Selekzioarekin, munduko txapeldun izan zen, eta 2000. urteko Europako Txapelketa irabazi zuen.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
