Ofentsiba Nazional-Sindikalistako Batzarren Espainiako Falangea

Wikipedia(e)tik
Falange Española» orritik birbideratua)
Hona jo: nabigazioa, Bilatu
Falange Española de las Juntas de Ofensiva Nacional Sindicalista
(FE de las JONS)
Ofentsiba Nazional-Sindikalistako Batzarren Espainiako Falangea
Presidentea Diego Marquez Horrillo
Sorrera 1933
Egoitza nagusia Madril
Ideologia politikoa faxista, panhispanista, nazional-sindikalista, nazionalista, anti-komunista eta anti-kapitalista
www.falange.es

Ofentsiba Nazional-Sindikalistako Batzarren Espainiako Falangea (gaztelaniaz Falange Española de las Juntas de Ofensiva Nacional Sindicalista [FE de las JONS]) 1933ko urriaren 29an Madrilen José Antonio Primo de Rivera, Julio Ruiz de Alda eta Alfonso García Valdecasasek sortutako Espainiako alderdi politiko faxista eta ultzanazionalista da.

Historia[aldatu | aldatu iturburu kodea]

Italiako faxismoaren eraginez sortu zen, eta kapitalismoa eta sozialismoa biak gaitzesten zituen. Hasieran Espainiako Falangea izena besterik ez zuen alderdia. 1934ko otsailean, Onésimo Redondo eta Ramiro Ledesmak sortutako Ofentsiba Nazional-Sindikalistako Batzarrak (JONS) alderdiarekin batu eta Ofentsiba Nazional-Sindikalistako Batzarren Espainiako Falangea (FE de las JONS) izena hartu zuen, uztarria eta geziak sinbolotzat harturik. Helburuak 26 puntutan laburbilduak zituen. Aberriak inperioa du helburu; itsasoko eta aireko potentzia bihurtzea; gizonaren betiko balioen errespetua; giza banakoaren ekimena bultzatzea; kapitalismoa eta marxismoa gaitzetsi eta enpresak nazionalizatzeko joera ziren ideologiazko puntu nagusiak.

Garrantzi handiko papera izan zuen Falange Españolak 1936ko matxinadan. Hala, Espainiako Gerra Zibilean 150.000 falangista borrokatu ziren Francisco Francoren gidaritzapean. 1937an Francok karlisteekin batu eta Falange Española Tradicionalista y de las JONS (FET y de las JONS) sortu zuen.

Frankismo garaian, 1939-1975 bitartean, alderdi politiko ofizial bakarra izan zen. Gerra ondoren Falangeko kide izatea nahitaezko bihurtu zen politikan aurrera egiteko, baina pixkanaka hasierako ideologiatik urrundu zen, batez ere 1940 eta 1950eko hamarkaden ondoren.

Espainiako Trantsizio Demokratikoan, Falange Españolak banatu eta politikoki desagertu egin zen. 1996ko Espainiar Hauteskunde Orokorretan Falange Española de las JONS alderdiak 12.114 boto lortu zituen, hau da %0,05a. Hona hemen egun Falange Españolaren izaera aldarrikatzen zuten alderdiak:

Bibliografia[aldatu | aldatu iturburu kodea]

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Ofentsiba Nazional-Sindikalistako Batzarren Espainiako Falangea Aldatu lotura Wikidatan