Falconidae

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Falconidae
Falco berigora
Falco berigora


Sailkapen zientifikoa
Erreinua: Animalia
Filuma: Chordata
Klasea: Aves
Ordena: Falconiformes
Familia: Falconidae
Azpifamiliak

Falconidae, eguneko hegazti harraparien familia.

Familiaren barruan, bi azpifamilia daude: batetik, Polyborinae, Caracarak and oihan-belatzak barne hartzen ditu; bestetik, Falconinae, non belatzak sartzen baitira. Guztira, 60 espezie inguru ditu familia honek.

Beste falkoniformeek —adibidez, Accipitridae familiakoek— ez bezala, atzaparrez gainera, mokoa erabiltzen dute harrapakina hiltzeko. Horretarako, protuberantzia adarkara bat izan ohi dute goiko mokoan. Haragijaleak dira, eta beste hegaztiak, ugaztun txikiak, narrastiak, intsektuak eta sarraskiak jaten dituzte.

Tamaina ertain eta txikiko hegaztiak dira: txikienak —Microhierax fringillarius— 35 g pisatzen du; handienetako batek —Falco rusticolus—, berriz, 2.100 g pisa ditzake.

Kako formako atzapar zorrotzak dituzte, eta ikusmen ezin hobea. Lumak marroiak, zuriak, beltzak eta grisak izan ohi dira. Ez dago alde handirik arren eta emeen luma-koloreen artean.

Mundu osoan barrena bizi dira familia honetako espezieak, Erdialdeko Afrikako oihanetan eta zirkulu artikoan eta antartikoan ez beste. Zenbait espeziek kokapen-eremu oso zabalak dituzte, belatz handiak, adibidez, zeinak Groenlandiatik hasi eta Fiji uharteetarainoko eremu zabala hartzen baitu.

Habitat-mota gehienetan bizi dira, tundran, basamortuan nahiz oihanetan, baina nahiago izaten dituzte belardi zabal eta irekiak.

Hegazti migratzaileak dira espezie gehienak: uda pasatzera iparraldeko leku freskoetara joaten dira, eta negua pasatzera, aldiz, hegoaldera.

Hauek dira Falconidae familiako generoak:

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Falconidae Aldatu lotura Wikidatan

Argazki-galeria[aldatu | aldatu iturburu kodea]

Erreferentziak[aldatu | aldatu iturburu kodea]