Fasciola hepatica

Wikipedia(e)tik
Hona jo: nabigazioa, Bilatu
Fasciola hepatica
Fasciola hepatica: har heldua
Sailkapen zientifikoa e
Erreinua: Animalia
Filuma: Platyhelminthes
Klasea: Trematoda
Ordena: Echinostomida
Familia: Fasciolidae
Generoa: Fasciola
Espeziea: F. hepatica

Fasciola hepatica Trematodoen klaseko platelmintoa da, animalia belarjale batzuen (eta baita gizakiaren ere) parasitoa dena. Hosto itxurako har parasito hau txikia da (2-3 cm-ko luzeera) eta bi bentosa ditu: bat aho aldean eta bestea sabelaldekoan.

Bizkarroi moduan kalte handiak sortzen ditu abereengan, ardiengan eta behiengan, batez ere. Izan ere, fasziolosi gaitza eragiten die. Harrak gibela eta behazun xixkua kaltetzen ditu, eta gizakia ere gaixotu dezake. Hainbat herrialdeetan izurrite latzak sortzen ditu Fasciola hepaticak, eta abeltzainei galera handiak dakarzkie.

Hermafrodita da. Gibelean dagoenean arrautzak jartzen ditu, behazunbideen bidez gorozkiekin kanporatuak direnak. Arrautz horietatik jaiotzen diren harrek uretan eta belarretan bizirauten dute. Animalia belarjaleek ur edo belarra irensten dutenean infektatzen dira, parasitoaren bizi-zikloa itxiz.