Filipe III.a Frantziakoa

Wikipedia(e)tik
Hona jo: nabigazioa, Bilatu
Filipe III.a Frantziakoa

Filipe III.a Ausarta (Poissy, 1245 - Perpinyà, 1285) Frantziako errege izan zen 1270-1285 bitarteko urteetan.

San Luisen semea zen. Harekin joan zen Zortzigarren Gurutzadara. Bere osaba Alfontso II.a Frantziakoa hiltzean, Tolosa, Poitou eta Auverniako konde bihurtu zen (1271), eta Venaissingo konderria Aita Santuari utzi zion (1274). Bere osaba Karlos I.a Anjoukoaren alde atera zen, eta Petri III.a Aragoikoaren kontra, 1282an. Aita Santuak Petri III.ari erregetza kendu eta Karlos Valoiskoari, Frantziako erregearen semeari, eman zionean, Filipe III.ak Aragoiren kontrako gurutzada gidatu zuen (1284-1285), Aragoi hartzeko asmoz, baina huts egin zuen. Elisabet Aragoikoarekin ezkondu zen, eta hura hiltzean, berriz, Maria Brabantekoarekin; hark eskaturik Pierre de la Brosse, bere begikoa, urkarazi zuen.

Ezkontzak eta haurrak[aldatu | aldatu iturburu kodea]

Filipe bi aldiz ezkondu zen.

Lehen ezkontza[aldatu | aldatu iturburu kodea]

Lehenik, 1262an, Aragoiko erregea zen Jakue I.aren Elisabet alabarekin. Elisabet 1271an hil zen, eta lau seme izan zituen harekin:

  • Luis (1264-1276)
  • Filipe IV.a (1268-1314)
  • Roberto (1269-1276)
  • Karlos (1270-1325), Valoisko kondea

Bigarren ezkontza[aldatu | aldatu iturburu kodea]

Filipe berriz ezkondu zen 1274an, Brabanteko dukea zen Henrike III.aren Maria alabarekin. Maria 1321an hil zen, eta harekin hiru seme-alaba izan zituen:

  • Luis (1276-1319), Evreuxko kondea
  • Margarita (1282-1318), Eduardo I.a Inglaterrakoarekin ezkondua
  • Blanka (1284-1305), Bohemiako erregea zen Rodolfo I.arekin ezkondua


Commons-logo.svg
Commonsen fitxategi gehiago dago honi buruz:
Filipe III.a Frantziakoa

Erreferentziak[aldatu | aldatu iturburu kodea]