Filippo Brunelleschi
Filippo di Ser Brunellesco Lippi, Filippo Brunelleschi (Florentzia, 1377 - 1446 apirilaren 15) Pizkunde garaiko arkitekto eta eskultorea.
Arkitektura pizkundetarraren hastapenetako arkitekto deigarrienetakoa izan zen. Perspektiba klasikoaren kontzeptuaren berreskuratzaile izan zen. Ezaguna da, batez ere Florentziako katedraleko kupulan egindako lanagatik.
Leon Battista Alberti, Ghiberti, Donatello eta Masaccioren garaikidea zen.
Bizitza [aldatu]
Hasieran zilargile eta eskultorea izan zen. Donatellorekin Erromara joanik, bertan arkitektura klasikoa aztertu zuen ingeniari eta teknikoaren begiez. Florentziara itzulirik, perspektibaren ikerketari lotu zitzaion. Santa Maria dei Fiore-ko kupula (1420-1436) izan zen ikerlan haien guztien fruitua. Modu horretara abiatu zen arkitekto berritzailearen obra, antzinako artearen baliabideak esku-beteka erabiliz baina ikusmolde berri bere berekietara egokituz.
Lan nagusiak [aldatu]
- 1419-1436, Santa Maria del Fiore katedralaren kupula, Florentzia.
- Pitti jauregia (Jauregi horretan Errenazimentuko jauregiaren eredua sortu zen)
- 1419-1440, Errugabeen Ospitalea, Florentzia.
- 1419-1480, San Lorenzo basilika, Florentzia.
- 1421-1440, San Lorentzoko Sakristia Zaharra, Florentzia.
- 1441-1460, Pazzi kapera, Florentzia.
- 1441-1481, Izpiritu Santuaren Basilika, Florentzia.
- 1434- Aingeruen Andre Maria, amaitugabea. Florentzia.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012/11/20 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
