Fist of Fury

Fist of Fury
Jatorria
Argitaratze-data	1972
Izenburua	精武門
Jatorrizko hizkuntza	Yue txinera
Jatorrizko herrialdea	Hong Kong
Banatze bidea	eskatu ahalako bideo
Ezaugarriak
Genero artistikoa	ekintza-filma, film dramatikoa, film erromantikoa eta martial arts film (en)
Iraupena	115 minutu
Kolorea	koloretakoa
Zuzendaritza eta gidoia
Zuzendaria(k)	Lo Wei
Gidoigilea(k)	Lo Wei; Bruce Lee
Antzezlea(k)
	Bruce Lee (Chen Zhen (en) ); Nora Miao ; Lo Wei ; Jackie Chan ; Corey Yuen ; James Tien ; Robert Baker ; Maria Yi (en)
Ekoizpena
Ekoizlea	Raymond Chow
Konpainia ekoizlea	Orange Sky Golden Harvest (en)
Edizioa	Cheung Kwok-che (en)
Bestelako lanak
Musikagilea	Joseph Koo
Fikzioa
Kontakizunaren tokia	Shanghai
	web.archive.org…
kronologia

Fist of Fury, baita The Chinese Connection eta The Iron Hand izenburuaz ere (euskaraz Amorruaren Ukabila, Txinatar Lotura eta Burdinezko Ukabila; txinera tradizionalez 精武門, txinera sinplifikatuz 精武門 , mandarineraz Jīng Wǔ Mén eta kantoneraz Zing1 Mou2 Mun4) 1972ko Lo Wei hong-kondar zinema zuzendariaren arte martzial filma bat da. Bertan, Bruce Lee eta Nora Miao aktoreek antzeztu zuten. Bruce Lee arte-martzial borrokalari ospetsua zenak protagonistaren papera antzeztu zuen bigarren filma izan zen, lehenbizikoa 1971ko The Big Boss filma izan zelarik.

Filma honetan bi arte martzialen arteko norgehiagoka begibistakoa da: bateetik, txinatar kung fua, eta bestetik, japoniar karatea.

Bestalde, eta bitxikeria gisa, garai hartan ezezaguna zen eta gaur egun asko ospetsua den Jackie Chan aktoreak borroka eszenetan borrokalari gisa ordezko antzezpenak burutu zituen.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

1948ko ekaina, Txinako Shanghai hiria. Chen Zhen (Bruce Lee) arte martzial ikasle gaztea bere betiko kung fu eskolara itzuli eta bere maisua zena bapatean zendu dela jakin berri du, gertakizun honek asko suminduko duelarik. Maisuaren hiletan japoniar karate eskola batetako kideen bisita iraingarria jasan ostean, japoniarrek txinatarrei euren eskolan ezartzeko kartel bat emango diete, bertan honakoa ipintzen duelarik: “Asiako gixajoak”. Hortaz, Chenek japoniarrei lezio umiliagarri bat eman eta euren hitzak janaraztea erabaki du, japoniarrei sekulako jipoia emanez.

Denen barregarri direla sentituz, japoniarrek mendeku egarriz txinatarren aurkako liskarrei hasiera emango diete, iskanbila hauen erdian Chenek bere maisua pozoitua eraila izan zela deskubrituko duelarik. Maisuaren hilketaren arduradunen aurka mendekatzea erabakiko du, horretarako Chenek japoniarren eskola eta haien aliatua den Petrov errusiaren aurka borrokatu beharko duelarik, borrokaldi latz horretan garaile izatekotan, Chenek bere arte-martzial trebezia guztia beharko duelarik.