Fotolitografia

Fotolitografia irudi bat euskarri batetik bestera eramateko prozedura da. Marrazkiak eta irudiak litografia-harri batera edo offset-eko metalezko xafla batera igarotzeko prozedura fotografikoa eta prozedura horren bidez lortutako irudia. Jatorrizko irudiaren negatiboa egiten da lehenik, eta paper berezi baten gainean argitan uzten da gero. Ondoren, marrazkiari kolorea eman eta litografia-harri baten gainean jartzen da. Gaur egun, batez ere offset-eko xafla metalikoak erabiltzen dira, eta negatiboa zuzenean xafla horietan jartzen da.

Gaur egun, zirkuitu integratuak egiteko erabiltzen da erdieroaleen industrian, fotomaskara batean dagoen eredua siliziozko olata batera eramateko.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.