Fríða Á. Sigurðardóttir
| Fríða Á. Sigurðardóttir | |
|---|---|
| Bizitza | |
| Jaiotza | Hornstrandir (en)  , 1940ko abenduaren 11 |
| Herrialdea |  Islandia |
| Heriotza | Reykjavik, 2010eko maiatzaren 7a (69 urte) |
| Familia | |
| Anai-arrebak | ikusi
|
| Hezkuntza | |
| Hizkuntzak | islandiera |
| Jarduerak | |
| Jarduerak | liburuzaina, eleberrigilea eta idazlea |
  | |
- Hau islandiar izen bat da: azken izena ez da abizena, patronimikoa baizik. Pertsona hau deitzeko bataio-izena erabiltzen dute.
Fríða Á. Sigurðardóttir (Hornstrandir, Islandia, 1940ko abenduaren 11 – Reykjavik, Islandia, 2010eko maiatzaren 7a) islandierazko idazlea izan zen.
Bizitza[aldatu | aldatu iturburu kodea]
1980an eman zuen argitara bere lehen lana, Ez da serioa, eta harrezkero beste lau eleberri eta Leiho alboan izeneko kontakizun-liburua (1984) eman ditu argitara. Dena dela, benetako arrakasta 1991n eskuratu zuen, Islandiako Prentsaren Literatura alorreko Kultura Saria eta Islandiako Literaturako Sari Nazionala irabazi baitzituen urte hartan, Gauaren joanean eleberriarekin; hurrengo urtean Europa iparraldeko herrietako letren sari nagusia lortu zuen lan horrekin berarekin.
Hiri handietako bakardadea eta gizakiaren alienazioa dira kontakizun laburretan erabili zituen gai nagusietako batzuk; eleberrietan, berriz, emakumezkoen istorioak agertzen ditu nagusiki, ikuspegi femeninotik harturik. Horrela, Eguzkia eta itzala (1981) eleberrian, esaterako, sistema eta botere maskulinoaren kontra borrokatzen den emakume baten historia kontatzen du; Itsasoa bezala (1986) kostaldeko herri batean gertatzen den pertsonaia kolektiboko obra da; eta Gauaren joanean eleberrian, berriz, ama hil zorian duela bere bizitzaren azterketa egiten duen superremakume bat da protagonista. Azken eleberri horretan eta hurrengoan, gizon baten ikuspegitik idatzitako Mundu itxi batean (1994) lanean alegia, alde batera utzi zuen hizkuntza errealista eta estilo lineala, eta teknika askeagoa erabili zuen.
Bibliografia[aldatu | aldatu iturburu kodea]
- 1980 Þetta er ekkert alvarlegt
- 1981 Sólin og skugginn
- 1984 Við gluggann
- 1986 Eins og hafið
- 1990 Meðan nóttin líður
- 1994 Í luktum heimi
- 1998 Maríuglugginn
- 2000 Sumarblús
- 2006 Í húsi Júlíu
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak[aldatu | aldatu iturburu kodea]
Datuak: Q275908