François Mitterrand

François Mitterrand
Ordena:	Frantziar V. errepublikako 4. presidentea
Agintaldiaren iraupena:	1981eko maiatzaren 10 - 1995eko maiatzaren 17a
Aurrekoa:	Valery Giscard d'Estaing
Hurrengoa:	Jacques Chirac
Jaiotze eguna:	1916ko urriaren 26a
Heriotza eguna	1996ko urtarrilaren 8a
Alderdi politikoa:	Frantziako Alderdi Sozialista

François Maurice Adrien Marie Mitterrand (Jarnac, Charente, 1916ko urriaren 26a- Paris, 1996ko urtarrilaren 8a) Frantziako presidentea izan zen 1981 eta 1995 urteen bitartean eta Europar Batasunaren bultzatzaileetako bat izan zen. Frantziako Alderdi Sozialistaren buruzagi nagusia izan zen herrialdeko presidentea izan bitartean, partiduaren batasunari luzaroan eutsiz.

Bizitza

Frantziako Erresistentzian borrokatu zen Bigarren Mundu Gerran, eta Charles de Gaulleren gobernuan parte hartu zuen gerra amaitu ondoren (1944). Bigarren Mundu Gerra bukatu zenean, UDSR alderdi sozialistaren lehendakari izendatu zuten. Diputatu, senatari eta ministro izan zen behin baino gehiagotan. 1971. urtean Frantziako alderdi sozialistaren idazkari nagusi aukeratu zuten. Minbiziak aspalditik jota, 1994an adierazi zuen ahalik eta luzaroan egongo zela lehendakaritzan. Bere agintaldiaren amaieran ezbehar larriak gertatu zitzaizkion: Alderdi Sozialistaren hondamena ikusi zuen; ustelkeriaz akusatuta, Pierre Bérégovoy bere Lehen Ministroak bere buruaz beste egin zuen, eta orobat bere lankide François de Grosouvrek; komunikabideak Mitterrandek nazien okupazioaren garaian izan zuen paper iluna ikertzen hasi ziren, eta argitara atera zuten ezkutuko alaba bat zuela. 1995ean Jacques Chiraci utzi zion lehendakaritza, eta bizitza publikotik apartatu zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Artikulu hau Frantziako biografia bati buruzko zirriborroa da. Wikipedia lagun dezakezu edukia osatuz.