Francesco Primaticcio
Wikipedia(e)tik
Francesco Primaticcio, izengoitiz Le Primatice (Bolonia, 1504 - Paris, 1570), italiar margolaria izan zen. Fontainebleauko eskolako maisuetako bat izan zen, baina haren lan batzuk baino ez dira gorde.
Imola, Bagnacavallo eta Giulio Romanoren ikaslea izan zen, eta azken horrekin lan egin zuen Mantuako Te jauregian. Frantziara deitu zuen Frantzisko I.ak Fontainebleauko jauregia dekora zezan, eta lanaren zuzendaria izendatu zuten 1540an. Beste jauregi batzuk ere dekoratu zituen, Frantzisko I.aren eta Henrike II.aren hilobiak diseinatu zituen, eta italiar artearen eragina zabaldu zuen Frantzian.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
