Francisco Rico Manrique

Francisco Rico Manrique katalan filologoa da (Bartzelona, 1942). 1972az geroztik Erdi Aroko Hispaniar Literaturetako katedraduna da Bartzelonako Unibertsitate Autonomoan, eta Erdi Aroko Hispaniar Literatura Elkarteko lehendakari. 1985ean Espainiar Letretako Zentro sortu berriaren zuzendari izendatu zuten, Liburutegien Zuzendaritza Nagusiaren baitan. Erakunde horren helburua da espainiar idazleak, literatura sorkuntza, Literatura Sari Nazionalak eta Cervantes saria sustatzea. 1986an Hizkuntza Akademiako kide hautatu zuten. Gainera, argitaletxe bateko klasikoen sailaren zuzendari da. Lanik aipagarrienak: La novela picaresca española (1966, Espainiar eleberri pikareskoa); La novela picaresca y el punto de vista (1970, Eleberri pikareskoa eta ikuspuntua); Vida y obra de Petrarca (1994, Petrarkaren bizitza eta obra); Historia crítica de la literatura española (1980-1992, Espainiar literaturaren historia kritikoa); Breve biblioteca de autores españoles (1990, Espainiar egileen liburutegi txikia); El sueño del humanismo (1993, Humanismoaren ametsa). Aditua da Elio Antonio de Nebrijaren obran: Nebrija contra los bárbaros (1978, Nebrija barbaroen kontra). 1998an Kixoteren testuaren bertsio bat argitaratu zuen, oharrez josia; argitaratu den onena, adituen ustez. 1998. urtean Menéndez Pelayo saria irabazi zuen, eta 2004an Ramón Menéndez Pidal ikerketa-saria.

Obra

• La novela picaresca y el punto de vista, 1970.
• El pequeño mundo del hombre, 1970.
• Alfonso el Sabio y la General Estoria, 1972.
• Vida u obra de Petrarca: lectura del Secretum, 1974.
• Nebrija frente a los bárbaros, 1978.
• Primera cuarentena y tratado general de literatura, 1982.
• Problemas del Lazarillo, 1987.
• Breve biblioteca de autores españoles, 1990.
• Texto y contextos: estudios sobre la poesía española del siglo XV, 1991.
• El sueño del humanismo, 1993.
• Figuras con paisaje, 1994.
• Estudios de literatura y otras cosas, 2002.
• Los discursos del gusto, 2003.
• Quijotismos, 2005.
• El texto del Quijote, 2006.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.