Francisco da Costa Gomes

Wikipedia(e)tik
Hona jo: nabigazioa, Bilatu
Francisco da Costa Gomes

Coat of arms of Portugal.svg
Portugalgo 15. presidentea
1974ko irailak 30 – 1976ko uztailak 13
Aurrekoa António de Spínola
Ondorengoa António Ramalho Eanes

Jaiotza 1914ko ekainak 30
Chaves,  Portugal
Heriotza 2001eko uztailak 31
Lisboa,  Portugal
Ezkontidea Maria Estela Veloso de Antas Varajão
Lanbidea Militarra

Francisco da Costa Gomes (Chaves, 1914ko ekainak 30 - Lisboa, 2001eko uztailak 31) portugaldar militar eta politikaria izan zen. 1974-1976 bitartean Portugalgo presidentea izan zen.

Bizitza[aldatu | aldatu iturburu kodea]

Ikasketa militarrak amaitu ondoren hasi zen gudarostean karrera militarra egiten, zaldunerian. Bere lehenengo zerbitzua Errepublikako Guardia Nazionaleko gudari gisa egin zuen, eta 1944. urterako, kapitain-titulua eskuratua zuen. Urte hartan, matematikako lizentzia eskuratu zuen Portoko Unibertsitatean. Hurrengo urteetan, garrantzizko zenbait zeregin bete zituen NATOren nazioarteko zenbait erakundetan, eta 1948an, Estatu Goreneko kide egin zuten. Hurrengo urteetan, beste hainbat karguren ardura izan zuen. 1970ean Angolako gudarostearen komandante izan zen, eta 1972. urtean, Portugala itzulita, Estatu Goreneko Buruzagi izendatu zuten. Baina kargu hartatik egotzi zuten handik bi urtera, diktaduraren erregimenak gudarosteaz egiten zuen erabilerarekin bat ez zetorrelako.

1974ko Krabelinen Iraultzan Kapitainen mugimendu delakoarekin bat egin zuen, eta urte hartatik 1976ra, Portugalgo Errepublikako lehendakari izan zen. Hasieran ezker muturreko indarrei eman zien nagusitasuna. 1975. urtetik aurrera, berriz, komunisten, sozialista moderatuen eta ezkertiarren arteko oreka bilatzen ahalegindu zen eta, azkenik, azaroaren 25ean larrialdi-egoera ezarri zuen, Lisboan. Neurri hari esker sendotu egin zen Indar Armatuen Mugimendu ezkertiarraren eragin moderatua, eta demokrazia egonkortzea lortu zuen.

Erreferentziak[aldatu | aldatu iturburu kodea]