Franck Dolosor
 Franck Dolosor | ||
| Datu pertsonalak | ||
|---|---|---|
| Izen osoa | Franck Dolosor Laduche | |
| Ezizena | Haltza | |
| Jaio | 1977ko maiatzaren 26a (46 urte) | |
Donibane Lohizune ( Lapurdi)
| ||
Franck Dolosor Laduche (Donibane Lohizune[1], 1977ko maiatzaren 26a) euskal kazetaria da. Hedabide ugaritan egiten duen lanagatik ezaguna izateaz gain Senpere bere herriari buruzko ikerketa lan batzuen egilea da.
Biografia
Dolosortarrena Gipuzkoatik orain dela 6 belaunaldi Senperera joandako familia da[2]. Gurasoak Laurent Dolosor senpertarra eta Christiane Laduche azkaindarra ditu.Lehen ikasketak Senpereko San Josep eskolan eta Arretxea kolegioan egin ondoren Donibane Lohizuneko Saint Thomas d'Aquin lizeoan eta Kanboko Xalbador lizeoan.
Haltza ezizena Jean Pierre Dolosor Matxin Haltza bere aitona zenaren omenez darama[3].
1996tik kazetari lanetan ari da.
Hedabideetan
Kazetari euskaraz, espainieraz eta frantsesez aritu da; Dolosor lanean ibili den edo dabilen hedabideen artean hauek azpimarra ditzakegu:
- Irratian: Gure Irratia, Radio Euskadi, France Bleu Pays Basque.
- Telebistan: Euskal Telebista (ETB 1, ETB 2). Egun K2000 ekoizpen etxeko langilea, ETBrako Baionako korrespontsala eta Iparraldearen orena albistegiaren erredaktorea da[4].
- Paperezko prentsan: artikuluak eta kolaborazioak idazten ditu, adibidez Ttipi-Ttapan Senpereko berriak[5].
Ikerketa liburuak
Senpere bere herriko bizilagunak protagonistak diren bi libururen egilea da:
- Senperetik Senpererat, begirada bat XX. mendeari. Elkar, 2009. Herriko adineko 18 laguni (9 gizon eta 9 andrazko) egindako elkarrizketetan oinarrituta.
- Matxin Irabola, Senpereko bertsularia; Elkarlanean, 2010. Lapurdiko bertsolaririk onenetakoa izan zen Matxin Irabolaren (1879-1935) ibilbidea kontatzen du.
Erreferentziak
- ↑ Ozenki irakurtzeko liburua, Elixabete Garmendia, Argia.
- ↑ L'historien de son village, Alexandre de La Cerda, La Semaine du Pays Basque, 985. zkia., 2010eko azaroaren 12tik 18ra, 19.or.
- ↑ Franck Dolosor: Matxin Irabola, Senpereko bertsularia, Elkarlanean, Donostia, 2010; 4. or.
- ↑ EITBko Baionako delegazioaren gaineko eztabaidari buruzko bloga.
- ↑ Dolosorrek Ttipi-Ttapan egindako artikulua
Ikus, gainera
Kanpo loturak
- (Frantsesez) Matxin Irabolari buruzko bloga.