Frantzisko Maria Etxezarreta
Frantzisko Maria Etxezarreta (Durango, Bizkaia, 1777 - Bilbo, Bizkaia, 1842) bizkaitar itsasgizona izan zen.
Biografia
1798an alfereza zen, eta urtebete geroago Roshforteko erasoaldian hartu zuen parte. 1805ean tenientea zela, atxilo hartu zuten Trafalgarko guduan. Espainiako Independentzia Gerran, lehorrean borrokatu zen, eta zauritu egin zuten. Gerra amaitutakoan, Santanderko portuko kapitain izendatu zuten, eta bi urte geroago Bilboko bigarren komandante. Bilboko defentsan jardun zuen, Lehen Gerra Karlistaren garaian. Brigadier egin zuten, 1837an.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.