Frantzisko Saleskoa

Wikipedia(e)tik
Hona jo: nabigazioa, Bilatu
Frantzisko Saleskoa.

Frantzisko Saleskoa (Château de Thorens, Savoiako dukerria, 1567 - Lyon, Frantzia, 1622) Genevako apezpikua eta Elizako doktorea izan zen, eta Erromatar Eliza Katolikoak santutzat gurtzen du.

1593ean egin zen apaiz, eta Chablaisko kalbindarrak katoliko bihurtzeko saioak egin zituen. 1599an Genevako apezpikuaren laguntzaile izendatu zuten, eta 1602an apezpiku kargua eskuratu zuen. Joana Chantalgoa santuarekin batera Bisitazioko Ordena sortu zuen (1610). Philothea edo Deboziozko bizitzarako sarrera (1608-1619, hiru aldiz euskarara itzulia, Silvain Pouvreauk, Joanes Haranederrek eta Jose Kruz Etxeberriak) idatzi zuen, eguneroko bizitzan Jainkoarenganako jaiera nola bizi erakusten duena. Haren lanak frantsesez eta hitz lauz idatzitako klasiko aurreko estiloko idatzi bikainenetakoak dira.

Santuaren jaieguntzat urtarrilaren 24a du izendatua Erromatar Eliza Katolikoak.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Frantzisko Saleskoa Aldatu lotura Wikidatan