Freddy Maertens

Wikipedia, Entziklopedia askea
Freddy Maertens

Bizitza
JaiotzaNieuwpoort1952ko otsailaren 13a (72 urte)
Herrialdea Belgika
Jarduerak
Jardueraktxirrindularia
Ibilbidea
TaldeakUrteak
Flandria 1972-1979
Gewiss-Bianchi (en) Itzuli 1980-1980
Boule d'Or-Sunair-Colnago 1981-1982
Masta 1983-1983
Splendor 1984-1984
Transvemij-Van Schilt 1985-1985
Collstrop-De Federale Verzekeringen 1986-1987
 

Freddy Maertens (Nieuwpoort, 1952ko otsailaren 13a) belgiar txirrindulari bat izan zen, profesionala 1972 eta 1987 bitartean, denbora horretan 221 garaipen lortu zituelarik. Bi aldiz izan zen munduko txapeldun eta Espainiako Vuelta behin irabazi ahal izan zuen, etapa garaipenak hiru Itzuli Handietan lortzeaz gain (15 Tourrean, 13 Espainiako Vueltan eta beste 7 Italiako Giroan).

Biografia[aldatu | aldatu iturburu kodea]

Amateur mailan 51 garaipen lortu zituen, horien artean, Belgikako errepide txirrindularitzako txapeldun izan zelarik, baita bigarren ere Munduko Txapelketan, biak 1971n.

Jada profesional mailan, bere lehen urteetan garaipen ugari lortu zituen egun bakarreko lasterketetan eta ospe ertaineko etapakako itzuli laburretan, Luxenburgoko Itzulia, Belgikako Itzulia, Dunkerqueko Lau Egunak eta Andaluziako Itzulia kasu. Era berean, etorkizun itxaropentsua zuen txirrindulari bezala agertu zen jada profesionaletan debutatu zuen urtetik nazioarteko zirkuituko lasterketarik garrantzitsuenetan ohorezko postuak lortuz, urte horretan Munduko Txapelketan eta Flandriako Tourrean bigarren izan zelarik. Beste proba batzuen artean Monumentuetan ere nabarmendu zen, bere emaitza onak gora-behera, bere karrera osoan monumentuetako bakar bat ere irabazterik lortu ez zuen arren.

Hurrengo urteetan maila altuagoko etapakako lasterketetan nabarmendu zen, Dauphiné Libéré eta Paris-Nizan kasu.

1972an Münicheko Olinpiar Jokoetan parte hartu zuen.

1976 izan zen bere lehen urte ona, non zenbait klasikoa handi irabazi zituen, Amstel Gold Race, Züricheko txapelketa eta Gante-Wevelgem kasu, beste zenbaiten artean. Paris-Niza eta Suitzako Itzulia bezalako etapakako itzuli txikietan nabarmendu zen eta Tourrean dizdiratu zuen, non zortzi etapa garaipen eta puntukako sailkapena lortu zituen, sailkapen nagusian 8. amaitzeaz gain. Urte horretan bertan Belgikako eta Munduko Txapeldun izan zen.

1977an garaipen nabarmen bat lortu zuen Espainiako Vueltan. Hasieratik amaierara izan zen lider eta hamairu etapa irabazi zituen (oraindik berdindu gabeko errekorra), baita tarteko helmugen eta puntukako sailkapenak ere. Paris-Niza (bost etapa eta puntukako sailkapena), Kataluniako Itzulia (bost etapa eta puntukako sailkapena), Setmana Catalana (lau etapa eta puntukako sailkapena) eta zazpi etapa 1977ko Italiako Giroan ere irabazi zituen.

1978an Tourreko puntukako sailkapena lortu zuen berriz, bi etapa garaipen ere lortuz. Emaitza onak lortu zituen egun bakarreko klasiketan, baina ezin izan zituen aurreko bi urte bikainak berdindu garaipenei dagokienez.

Orokorrean, emaitzak aurreko urteetan baino kaxkarragoak dira, eta 1981 izan zen profesional bezala izan zuen azken urte ona, Frantziako Tourrean bost etapa garaipen eta puntukako sailkapena lortuz eta bigarren aldiz Munduko Txapeldun bihurtuz.

Ordutik, eta 1987an erretiratu zen arte, ez zuen beste garaipen aipagarririk lortu.

Palmaresa[aldatu | aldatu iturburu kodea]

1972

1973

1974

1975

1976

1977

1978

1981

Sailkapen orokorra Itzuli Handietan[aldatu | aldatu iturburu kodea]

Itzuli Handia 1973 1974 1975 1976 1977 1978 1979 1980 1981
Pink jersey Italiako Giroa UT UT
Yellow jersey Frantziako Tourra 8 13 66
Red jersey Espainiako Vuelta 1
Munduko Txapelketa 2 21 1 1
Legenda
Ez zuen parte hartu
DSK Deskalifikatua
UT Utzi

Errekonozimenduak[aldatu | aldatu iturburu kodea]

Taldeak[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]

Freddy Maertens - ProCyclingStats


Aurrekoa
Hennie Kuiper
Munduko txirrindularitza txapelduna
1976
Ondorengoa
Francesco Moser


Aurrekoa
Bernard Hinault
Munduko txirrindularitza txapelduna
1981
Ondorengoa
Giuseppe Saronni


Aurrekoa
José Pesarrodona
Espainiako Vueltaren irabazlea
1977
Ondorengoa
Bernard Hinault