Nazio Askapenerako Fronte Sandinista

Nazio Askapenerako Fronte Sandinista
Datuak
Izen laburra	FSLN
Mota	alderdi politikoa
Herrialdea	Nikaragua
Ideologia	Sandinismoa, Marxismoa, kristau-sozialismoa, Bolibarianismoa, Antiinperialismoa, left-wing nationalism (en) eta Ezkertiar populismoa
Kokapen politikoa	ezker politiko
Jarduera
Kidetza	Internazional Sozialista, Permanent Conference of Political Parties of Latin America and the Caribbean (en) eta São Pauloko foroa
Agintea
Lehendakaria	Daniel Ortega, Carlos Fonseca, Tomás Borge eta Silvio Mayorga
Egoitza nagusi	Managua;
Historia
Sorrera	1961eko uztailaren 23a
Koloreak
	webgune ofiziala;

Artikulu hau Nikaraguako alderdi politikoari buruzkoa da; beste esanahietarako, ikus «Nazio Askapenerako Frontea».

Nazio Askapenerako Fronte Sandinista^[1] edo FSLN (jatorrizko izena, gaztelaniazkoa: Frente Sandinista de Liberación Nacional) Nikaraguako alderdi politiko ezkertiarra da, Carlos Fonsecak beste batzuen artean Kubako Iraultzaren garaian sortutakoa gerrilla moduan eta Anastasio Somozaren ondorengoak borrokatuz.

Izena Augusto César Sandino (1895-1934) iraultzaile nazionalistari hartu zion haren omenez. Alderdiak Managua hiriburuan egoitza nagusia dauka.

Historia[aldatu | aldatu iturburu kodea]

1962. urtean sortu zen erakundea, bere lehen helburua borroka armatuaren bidez Somozaren gainbehera lortzea izanik. 1974. urtetik aurrera areagotu zituzten ekintza armatuak estatuaren iparraldean, eta 1977. urtean hiru adarretan banatu zen FSLN: Guerra popular prolongada (Tomás Borge) eta Tendencia proletaria (Carrión, Wheelock), marxista-leninistak biak, eta Terceristas (Daniel eta Humberto Ortega, Edén Pastora, Tirado). 1978. urtetik aurrera Somozaren aurkako eraso gogorrak bideratu zituen fronteak (nazioko jauregiaren okupazioa) eta hiru adarrak batzeko urratsak eman ziren (1979). 1979. urtean hasi zen Nikaraguako gerra zibila eta urte berean Fronte Sandinistak Nikaragua osoa konkistatu zuen. Batasun nazionaleko gobernua eta gudaroste sandinista eratu zituzten ondoren. Nikaraguako aginpidean izan zen 1979. urtetik 1990. urtea arte eta 2007tik aurrera.

Herrialdeko buruzagitza[aldatu | aldatu iturburu kodea]

Daniel Ortega herrialdeko presidente birritan izan da, 1985etik 1990era lehenengoz eta 2007tik aurrera bigarrenean.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.