Friedensreich Hundertwasser
Friedensreich Regentag Dunkelbunt Hundertwasser, jaiotza-izenez Friedrich Stowasser (Viena, Austria, 1928ko abenduaren 15a - Ozeano Barea, 2000ko otsailaren 19a) austriar margolari eta artista grafikoa izan zen.
Biografia
Haren dekorazio-estilo abstraktuak Gustav Klimten eta sezesioaren (Austriako Art Nouveauren) tradizioari jarraitzen dio. Haren lana hipnotikoa eta enigmatikoa da, espiralak obsesiboki erabiltzen zituen: eraikinak, paisaiak, giza-irudiak, guztiak bihurtzen dira espiral abstraktu. Erabiltzen zituen koloreetan persiarren eta asiarren eragina nabari da, urre eta zilar kolorea, eta bereziki, gorri eta berde biziak.
Vienan Hundertwasserhaus eraikin ospetsua diseinatu zuen.
Erreferentziak
Wikimedia Commonsen badira fitxategi gehiago, gai hau dutenak: Friedensreich Hundertwasser |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.