Fritz Arno Wagner
Fritz Arno Wagner (Schmiedefeld am Rennsteig, Alemania, 1889ko abenduaren 5a - Berlin, Alemania, 1958ko abuztuaren 18a) Alemaniako zinema-argazkilaria izan zen.
Biografia [aldatu]
Pathé zinema-etxean lan egin zuen; Parisen albistegietarako kameralari gisa jardun zuen. 1919an Berlina itzulirik, zinema espresionistako film bikainenen fotografiaz arduratu zen. Zuri-beltzeko fotografian maisu izan zen; argia oso era berezian erabiltzen zuen, kontrastearekin jokatuz itzalak nabarmentzen zituela. Fritz Lang, Murnau, Pabst eta gisako zinemagileekin lan egin zuen.
Filmak: Schatten (1923, "Itzalak"), Der müde tod (1921, "Hiru argiak"), M (1931), Das testament des Dr. Mabuse (1933, "Mabuse Doktorearen testamentua"), Schloss Vogelöd (1921), Der brennende acker (1922, "Lurra sutan"), Nosferatu (1922), Westfront 1918 (1930).
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
