Fruktosa

Wikipedia(e)tik
Hona jo: nabigazioa, Bilatu
D-fructose, représentation de Fischer


Fruktosa bere molekulan 6 karbono atomo dituen gluzidoa da (hexosa bat), fruta askotan eta eztian dagoena. Glukosaren formula bera du (C6H12O6), baina egitura desberdina. Izan ere, glukosa aldosa bat da (COH taldea du lehenengo karbonoan), fruktosa zetosa bat izanik (zetona taldea duelako).

Glukosarekin elkartzen denean sakarosa izeneko disakaridoa sortzen du.

Eskuineko irudian fruktosaren formula lineala ikus daiteke. Ur-disoluzioan, berriz, gluzido guztien antzera egituraz aldatzen du, molekula bereko zetona eta alkoholaren arteko erreakzioa dela eta. Horrela, molekula barnean hemizetal bat sortzen da, eta molekulak egitura ziklikoa hartzen du. Haworthen formularen bidez marrazten dira egitura zikliko hauek (beheko irudietan).

Organismoek dietaren bitartez bereganatzen du fruktosa, eta baita sakarosaren hidrolisi entzimatikoaren bitartez.

Sakarosaren aldean fruktosaren indize gluzemikoa txikiagoa da, diabetesa duten gaixoentzat egokia izanik gozagarri edo edukoltzaile gisa. Horren arrazoia da degradatzeko duen bide metabolikoa sakarosa edo glukosaren baino konplexuagoa dela.

Commonsen badira fitxategi gehiago, gai hau dutenak: Fruktosa Aldatu lotura Wikidatan