Fukushima (prefetura)

Fukushima prefetura
福島県

Bandera

Estatua

Eskualdea

13.782,75 km²

Biztanleria
Dentsitatea

2.091.319 (2005)
148,92 bizt/km²

Uhartea

Honshu

Fukushima prefeturako mapa.

Fukushima prefetura (福島県, Fukushima-ken^?) Japoniako Honshu uharteko prefetura bat da. Hiriburua Fukushima hiria da.

Eduki-taula

1 Historia
- 1.1 2011ko lurrikara
2 Geografia
3 Ekonomia
4 Hiriak
5 Herriak barrutika sailkatuta
6 Kanpo-loturak

Historia [aldatu]

Meiji berrezarkuntza arte, Fukushima prefeturaren eremua Mutsu probintzia izan zen.

V. mendean kontrol-postuak ezarri ziren Shirawakan eta Nakoson "Japonia zibilizatua" hegoaldeko "barbaroen" erasoetatik babestearren.

2011ko lurrikara [aldatu]

2011ko martxoaren 11n 9,0 magnitudeko lurrikara bat gertatu zen Miyagi prefeturako kostatik gertu. Lurrikararen ondorioz, tsunami erraldoi bat sortu zen: prefeturako ekialdeko kosta jo zuen, eta 1.929 pertsona hil zituen prefeturan, ondasun asko erabat suntsitzeaz gainera.

Lurrikararen eta tsunamiaren ondoren, Fukushima I zentral nuklearraren sei erreaktoreetako biren kanpo-ontziak lehertu egin ziren nukleoaren fusioa gertatzearen ondorioz, eta sute larriak gertatu ziren beste hiru erreaktoretan. Ondorioz, erradiazio-maila zentralean eta inguruetan oso altua izan zen, eta biztanle asko ebakuatu behar izan zituzten. 7 mailako istriputzat jo zuten teknikariek, hau da, Txernobylgo istripuaren maila berekotzat.

Geografia [aldatu]

Fukushima Tōhoku eskualdeko prefeturarik hegoaldekoena da, etaTokiotik gertuen dagoena. Mendikateek bereizitako hiru eskualdetan banatuta dago lurraldea: Aizu, Nakadōri eta Hamadōri (mendebaldetik ekialdera).

Hamadōri eskualdea Ozeano Bareko kostaldean dago, eta aski laua eta epela da. Nakadōri eskualdea nekazaritza-ingurua da. Aizu eskualdea menditsua da; aintzirak eta basoak ditu, eta neguan elurra egiten du.

Ekonomia [aldatu]

Kostaldeko jarduera tradizionalak arrantza eta itsaski-haztegiak dira.

2011ko istripua gertatu zen arte, jatorri nuklearreko energia elektriko asko ekoizten zen prefeturan, 10 erreaktore nuklear lanean ari baitziren (Fukushima I eta Fukushima II zentral nuklearrak).

Hiriburua eta inguruak software- eta elektronika-arloetako industriagune garrantzitsua da.