Funtzio esponentzial

Wikipedia(e)tik
Hona jo: nabigazioa, Bilatu

Matematikan, funtzio esponentziala funtzio erreal bat da, adierazpen hau duena:

y=f(x)=ka^x\,

Funtzio esponentzialaren ezaugarri nagusia aldagai dependenteak erakusten duen hazkunde esponentziala da, a>1 betetzen bada, non hazkunde-tasa (edo deribatua) konstantea den. Adibidez, y=f(x)=1000×1.3x funtzio esponentzialean, x unitate bat gehitzean, y=f(x) aldagai dependentea %30 gehitzen da beti. Beraz, funtzioa esponentzialak erakusten duen hazkundea proportzionala da yrekiko eta gero eta handiagoa modu absolutuan hartzen bada.

a<1 kasuetan, berriz, hazkunde esponentziala ez, baizik eta murrizketa esponentziala gertatzen da, modu proportzionalean betiere. Adibidez, y=f(x)=1000×0.8x funtzio esponentzialean, x unitate bat gehitzean, y aldagaia %20 murrizten da.

Praktikan maiz agertzen den funtzioa da, fenomeno askok funtzioak eragiten duen hazkunde esponentzialari jarraitzen diotelako. Adibidez, finantzetan, kapitalizazio konposatuaren legean, kapitalen bilakaera funtzio esponentzialaren araberakoa da: Ct=C0(1+i)t, non i interes-tasa kapitalaren hazkunde-tasa den.

Commonsen badira fitxategi gehiago, gai hau dutenak: Funtzio esponentzial Aldatu lotura Wikidatan