GTK

GTK+
Garatzailea:	GNOME Fundazioa
S.E.:	Plataforma-anitza
Mota:	Widget toolkit
Lizentzia:	LGPL
Euskaraz:	Bai
Webgunea:	www.gtk.org

GTK+ intefaze grafikoak garatzeko liburutegi edo garatze rutina talde garrantzitsu bat da. GNOME, Xfce edo ROX ingurune grafikoetan erabiltzen da normalean.

LGPL lizentziapean dago, software librea da, plataforma anitzetan dabil eta GNU proiektuaren zati garrantzitsu bat da.

Hasiera batean GIMP garatzeko sortua, GTK+ GIMP toolkit-ren akronimoa da eta oso erabilia da linux-erako programa eta programatzaileen artean QTrekin bat, azken hau KDErako.

GTK+-ren diseinuak beste programazio-lengoaia batzuekin programatzeko aukera ematen du, C, C++, Perl edo Pythonekin adibidez.

Gaur egungo bertsioa GTK+ 2 da, aldaketa eta hobetze askorekin aurreko bertsioarekin alderatuta.

GTK+ren liburutegiak

GTK+ hiru liburutegitan oinarritzen da:

• GLib behe-mailako lengoaia-liburutegi bat da, GTK+ eta GNOMEren oinarrizko egitura. C programazio-lengoaiaren datu-egiturak maneiatzeko tresnak, eramangarritasuna, exekuzio-denbora funtzioak (runtime) ziklo moduan, hariak, karga dinamikoa edo objektu sistemekin lan egitea ahalbidetzen du.

• Pango testuaren errendatze eta diseinuarentzako liburutegia. Internazionalizazioari arreta berezia ezarri zaio, arabiar hizkuntzak edo japoniar hizkiak marraztea ahalbidetuz. GTK+-2 bertsioan letra-tipoak eta testuak maneiatzeko nukleoa da.

• ATK elbarri eta ezgaituentzat erabilgarritasun handiko interfazeak sortzeko liburutegia da. Tresna ezberdinen artean, handitze lupak, pantaila irakurleak edo teklatu eta saguaz gain beste sarrera modu batzuk gaitzeko balio du.

Kanpo loturak

• (Ingelesez) GTK.org
• (Ingelesez) GTK+-rekin egindako programa zerrenda
• (Ingelesez) Pango.org