Gabriel Bonnot de Mably

Gabriel Bonnot de Mably

Gabriel Bonnot de Mably (Grenoble, 1709ko martxoaren 14a - Paris, 1785eko apirilaren 2a) Frantziako filosofo politikoa izan zen, Étienne Bonnot de Condillacen anaia. 1748an, Westfaliako Itunetik aurrerako nazioarteko hitzarmenei buruzko lana, Droit public de l´Europe fondé sur les traités (1748, Europako herri-zuzenbidea, itunetan oinarritua), argitaratu zuen. Argitalpen horren ondorioz ez zituen oso harreman onak izan agintariekin. Agintarien aurkako jarrera beste lan batzuetan ere agertu zuen: Observations sur les Grecs (1749, Oharrak greziarrei buruz); Observations sur les Romains (1751); Entretiens de Phocion (1763); Observations sur l´histoire de France (1765); Doutes proposés aux philosophes économistes (1768); De la Législation (1776); Principes de morale (1784); eta, batez ere, Des droits et des devoirs du citoyen (1758an idatzia, eta 1789an argitaratua, Hiritarren eskubideez eta betebeharrez); eta Observations sur l´histoire de France lanaren azken liburukia (1789). Mablyren lanetan nabarmena da Condillacen eta Lockeren eragina.