Galaikoportuges
Galaikoportugesa edo galiziera-portugesa Iberiar penintsulako ipar-mendebaldean sortutako hizkuntza erromantzea da, gaur egungo galiziera, portugesa eta falaren arbaso komuna dena eta Erdi Aroan hizkuntza bizia izan zena. Halaber, hiru hizkera horiek barne hartzen dituen hizkuntza azpi-taldearen izena ere bada. Ondoko izanak ere hartzen ditu: proto-galego-portugesa, portuges zaharra, portuges arkaikoa, galiziera zaharra nahiz galiziera arkaikoa.
Bestela, gaur egun mugimendu erreintegrazionistak galiziera eta portugesa hizkuntza bakartzat hartzen du, lehenengoa bigarrenaren aldaeratzat joz eta galego-português izena erabiliz. Euren arabera, beraz, galaikoportugesa bizirik dago.
[aldatu] Literatura
Cantigas de Santa María izenekoak adibide ezagunak dira literatura galaikoportugesarena, XIII. mendean egindakoak eta Alfontso X.a erregeak koordinatutakoak.
Beste lan bilduma aipagarri batzuk Cancioneiro de Ajuda, Cancioneiro da Vaticana eta Cancioneiro Colocci-Brancutti ditugu, eta olerkarien artean Martín Codax nabarmentzekoa da, besteak beste.
[aldatu] Kanpo loturak
- (Portugesez)(Ingelesez)"Patrimonio Inmaterial Galego-português"
- (Portugesez)(Galizieraz)"Portal Galego da Língua"
