Galiziako musika

Galiziako musika herrialde hartan egindako arte mota hori da, estilo eta hizkuntza guztiak barne hartzen dituelarik.

Folk

Folk musika arloan nabarmentzekoak dira, musika garaikidean, Faltriqueira, Luar na lubre eta Milladoiro alde batetik, eta Xose Manuel Budiño eta Carlos Nuñez musikariak bestetik, beste batzuen artean.

Pop-rock

Rock eta pop atalean, aipatzekoa da Vigoko hirian eta 1980ko hamarkadan sortutako "A movida viguesa" izeneko mugimendua, Aerolíneas Federales, Golpes Bajos, Os Resentidos eta Siniestro Total talde nagusiak eduki izan zituena. Beste leku batean, Ourensen, eta rock gogorragoa proposatuz Los Suaves taldea oso nabarmena izan da.

Bestela, Anton Reixa artista polifazetikoaren bakarkako lana eta Luz Casal abeslari komertzialarena kontutan hartzekoak dira.

Klasikoa

Galiziako Orkestra Sinfonikoa 1992an sortu zuten A Coruñan.

Kanpo loturak

• (Galizieraz)(Gaztelaniaz)(Ingelesez)Galiziako Orkestra Sinfonikoaren webgunea